各位觀眾，大家好，今天是 3 月9號，星期二，歡迎收看紀元頭條。我係雪兒。
係中共兩會上，一名女性人大代表當住習近平嘅面誇讚他，不過習近平嘅表情就好尷尬。
社媒嘅一段錄像顯示，3月6日，習近平出席人大代表座談會。坐係前排嘅一名女性代表對習近平嘅一項政策不斷「誇獎」。
佢話：「農村的廁所可以說是最小最小微不足道的一件事，這樣的小事你都能替我們想到，他們都非常感激。」
發布錄像嘅網友表示，習近平顯得一臉尷尬，有D「手足無措」嘅感覺。
習近平2015年針對旅遊景區公廁條件差，發起左「廁所革命」嘅改造舉措。2017年11月，習近平又話，「廁所問題唔係小事情」，城市、農村也都要睇住。
隨後，各地農村亦一窩蜂地大搞「廁所革命」。但係系安徽、河南、甘肅、湖北等地改造的新廁所，不單止通唔到水，亦無人定期清理，成為「臭氣熏天嘅花樽」，成諷刺話題。
2020年係農村「廁所革命」嘅收官之年，但係中共官媒幾乎係統一口徑，批評「廁所革命」係「面子工程」。
《人民日報》嘅微博公眾號「俠客島」1月29號刊文，列數各地「廁所革命」係搞形式主義，文章舉例批評話，仲出現將馬桶安係灶台對面，點可以咁樣搞？
新華社1月28日披露，遼寧省瀋陽市改建嘅8萬幾個廁所存在巨大問題，超過5萬個被棄用。
最終呢場習近平親自指揮、親自部署嘅「廁所革命」係官媒嘅批評聲中，草草收場。
女代表拍馬屁，拍得習近平好尷尬，不過今年兩會，吹捧習近平似乎是事前安排嘅一項政治任務，而「領航」、「舵手」等係關鍵詞。
被視為習近平接班人嘅重慶市委書記陳敏爾，吹捧「習近平總書記領航掌舵」。
廣東省委書記李希自稱，深刻體會到「總書記領航把舵」係「我地最大嘅信心所在、底氣所在、力量所在」。
習近平嘅大祕、政治局委員、中辦主任丁薛祥係貴州團表態話，習核心中央「係中國號巨輪行穩致遠嘅定盤星」。
好似咁樣嘅肉麻吹捧仲有好多，值得一提嘅係，王岐山6號係湖南代表團發言嘅時侯亦唔例外。佢至少8次提到習近平，雖然無叫「舵手」，但吹捧之意都好明顯。
據新華社嘅報導，王岐山話，政府工作報告、「十四五」規劃同2035年遠景目標綱，要以習近平思想為指導；十九大已經將習思想確立為指導思想；要增強「四個意識」、堅定「四個自信」、做到「兩個維護」，關鍵係要從習近平思想裏面搵找分析同解決問題嘅方向方法等。
對於兩會上統一口徑，大規模吹捧習近平嘅風向。評論人士鄭中原對希望之聲表示，中共兩會最新嘅呢一輪歌頌習近平嘅風潮比較罕見。並且特別強調習近平嘅「舵手」稱號，呢個係學毛澤東，甚至超越毛澤東。相信呢個亦係習近平為二十大連任造勢嘅一部分。
鄭中原話，呢D動向只能說明官場嘅墮落，人無人品，官無官德，亦唔能夠代表真實嘅忠誠，一旦習近平出事，吹捧者就會四散。
係兩會上，中共外交部長王毅否認新疆實施種族滅絕政策嘅發言，澳洲外長即刻回應。
3月7日，王毅係記者會上聲稱，新疆存在種族滅絕嘅講法係「荒謬」的。同時，他仲將矛頭指向西方社會。
王毅話，提到種族滅絕，民眾想到嘅係16世紀嘅「北美印第安人、19世紀嘅非洲黑奴、20世紀嘅猶太人，以及至今仍在堅持抗爭嘅澳洲原住民」。
第二日，澳洲外長佩恩（Marise Payne）係俾澳新社嘅聲明裏面話：「有證據表明，強迫勞動、強迫絕育、系統咁並且有計劃咁虐待同折磨婦女以及一系列其它行為都係嚴重侵犯人權嘅行為。」
對於王毅將種族滅絕話題轉移到西方殖民主義嘅歷史問題做法，佩恩話：「我認為，係任何情況下，呢個都唔能夠好似（王毅）外長講嘅咁樣等同起來。」
另外，王毅係回答「海警法」對中日兩國關係影響嘅提問時，少左幾分戰狼表演，出現放低身段，拋出合作對話嘅姿態。
王毅稱話，「中國頒布實施嘅海警法，呢個只係一項例行嘅國內立法，唔針對特定國家，完全符合國際法同國際實踐。」「對於係中日交往裏面出現嘅任何問題，雙方都可以通過對話溝通增進了解，建立互信。」
佢仲話，「希望日本社會能夠真正樹立起客觀理性嘅對華認知，真正打好有利於中日關係行穩致遠嘅民意基礎。」
王毅仲拋出奧運合作嘅誘餌（利），話中日兩國將先後舉辦奧運會。雙方完全可以亦應該相互支持，令呢兩場盛會成為加深兩國人民友好感情嘅平台，促進中日關係發展嘅機遇。
自從美中關係對立昇級之後，特別係前特朗普政府開始，係印太對中共構築起圍堵嘅勢頭之後，日本就成為中共係經濟、政治外交上極力拉攏嘅國家。其中，實現習近平嘅訪日之行係重要突破口。不過，日本國民嘅「厭共」情緒高漲，日本政府以疫情、釣魚台等問題一拖再拖。
日本共同社3月4號報導話，鑑於圍繞尖閣諸島（中國稱釣魚島）嘅日中對立，日本幾乎無歡迎習近平嘅氛圍。有意見認為係日中邦交正常化50週年嘅2022年實現習近平訪日亦「好難」。
報導話，習近平1月同國際奧委會（IOC）主席巴赫通話，表示願意為安全順利舉辦東京奧運會作出努力。報導引述關係人士觀點指「呢個是係因為希望改善對日關係」。
報導指出左兩國之間面臨主要障礙，話圍繞尖閣列島（中文名：釣魚台）嘅對立同埋香港問題等令日中關係蒙上陰影。內閣府2月公佈嘅輿論調查結果顯示，認為當前日中關係「並唔良好」嘅回答佔比81.8%，對中國「唔親近感」嘅達到77.3%。
報導引述日本外務省官員嘅話，話「呢個結果係每個國民基於依家嘅中國局勢作出嘅回答，中國（中共）唔改變認識，（關係）就好難改善。」
日本國民「厭共」情緒嘅表現之一包括近期勁買台灣鳳梨，撐台灣嘅活動。
中共3月1日起禁止進口台灣鳳梨後，日本即刻表示大量進口台灣鳳梨。近日，陸續有日本網友貼出台灣鳳梨係超市被勁買一空嘅照片。
據自由時報報導，網友松田慶久就係Facebook貼出照片顯示，299日元嘅菲律賓鳳梨傍邊，價格係599日元，貴兩倍嘅台灣鳳梨就被搶購一空。松田留言話「超級、超級厲害！」
其他日本網友亦紛紛上傳圖片，表示自家超市附近賣嘅台灣鳳梨被搶購一空，還直呼台灣鳳梨「超好食」。
新聞未完架，之後嘅新聞，包括：民調指拜登抗共能力被質疑專家警告「舉棋不定成隱患」；美議員暗示拜登失權向賀錦麗「過渡」；大陸客機爆「空戰」機長斷牙乘務長斷骨，會係patreon 度播，大家快D 去patreon ，「撐雪兒」或者「勁撐雪兒」啦，patreon 見@
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
