方力申奪先進游泳世錦賽銀牌

日前剛踏入44歲的前香港游泳代表方力申，日前於多哈出戰世界先進游泳錦標賽，於男子200米背泳40至44歲組別游出2分19.86秒奪得一面銀牌，賽後他在社交網站與大家分享奪獎的興奮心情，又自嘲自己因為「肥」和「矮」而不敵金牌得主。

方力申近年重投泳壇，開設游泳學校之餘自己亦再次接受訓練，今次他代表港會出戰先進游泳世錦賽隨即獲得不俗成績，賽後他在Instagram與大家開心分享：「阿媽我得咗喇，妳個肥仔，復出游水4年，終於攞到個世界先進分齡比賽嘅銀牌，係200米背泳，我最有機會嗰項已經游完，之後就爭取啲好啲嘅時間。 」

方力申今次以0.86秒之差屈居亞軍，他亦不忘大方祝賀冠軍得主Donal Thomas O'Neill：「恭喜第一名from HK LRC嘅Donal，佢以前係愛爾蘭嘅紀錄保持者，第三名係來自巴拉圭嘅Daniel C，佢上年喺福岡世界賽攞咗兩面獎牌。 最後，我想講我真係要減肥，由上年舞台劇完成後到今日，我重咗7kg，完。」他之後又在IG Story開玩笑自嘲一番：「肥魚攞銀牌200米背，輸0.8秒、輸在肥咗7公斤、輸在矮佢4吋」。

方力申昨日亦出戰了男子100米背泳項目，最後僅僅以第4名完成，差點便可以奪得今屆第2面獎牌。@