深圳中原遭拖佣10億 施永青呻贏官司都無錢收

大陸多個房地產發展商爆發債務危機，多家房地產中介機構被拖欠佣金。深圳中原更遭拖欠多達10億元人民幣（下同）佣金。中原集團創辦人施永青今早（31日）在商台節目指，的確有10億元「應付未付」的佣金被大陸房企拖欠，惟早前即使成功循法庭追討，但大陸政府以「保交樓」為由，拒絕發還佣金，做法不公。

施永青透露，深圳中原有10億元「應付未付」的佣金被內房企拖欠，另外有約5億元「真係拖咗好耐嘅數，要同法庭打官司」。惟基於大陸現時的「保交樓」政策是「頭等大事」，故即使其獲判勝訴，但仍無法取回欠款，「佢話經紀佣就欠住先，變咗我哋放在次要地位囉」。

他又指，大陸房地產發展商即使完成「保交樓」，有餘款亦要優先償還予金融市場發債投資者等人，大呻「我就覺得唔公平啦，金融市場佢哋自己貪高息，自招損失咋嘛，相反我哋真係服務咗佢，付出勞力、時間、精神，但做完嘢無錢收」。

談及早前有指大陸官員「溫馨提示」他先行墊支事件，施永青指，向他提示的官員「唔係國家政策，或者好高級官員講，而係維持社會秩序，街道辦嗰啲」，對方的用意是「你賺咗，不如幫下佢哋囉，等佢哋無咁慘，佢哋又唔會搞到社會不穩」。

施永青直言，是否墊資支付佣金，並非他自行可決定，要由股東商討，同時亦未必每個人同意。他同時又強調，公司沒有條件去墊支，對於生活有困難的員工，公司都以恩恤方式援助。雖然底薪會依時出糧，「但佣金分拆，我都要收到先有得拆，我都未攞到，邊到搵錢嚟分拆呢？」@

------------------

------------------

🗞️9.17暫別實體立即預購
https://bit.ly/buybyepaper

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand

深圳中原遭拖佣10億施永青呻贏官司都無錢收