近期吹懷舊風，走入灣仔呢間台式餐廳，好似走入咗七八十年代嘅場景咁，首先映入眼簾嘅係好多古董相機，再望入去係懷舊嘅窗花擺設，窗前仲插滿乾花，枱面上嘅碟反映住陽光照射乾花嘅剪影，真係好有味道！周圍都係古董裝飾：留聲機、舊信箱、印刷字粒、連牆上面嘅時鐘都係經過歲月嘅洗禮嘅古董嚟，真係目不暇給呀！
首先映入眼簾嘅係好多古董相機。
首先映入眼簾嘅係好多古董相機。
牆上面嘅時鐘都係經過歲月嘅洗禮嘅古董。
窗前仲插滿乾花，枱面上嘅碟反映住陽光照射乾花嘅剪影，真係好有味道。
呢間台式餐廳有幾個侍應真係台灣人講國語㗎！餐廳都幾多外國食客，除咗夠懷舊重有好休閒嘅感覺。坐低見到佢哋餐牌都懷舊過人。餐廳環境好靚好有味道，食物選擇反而唔係好多，我左望望右望望，參考吓隔離，最終點咗兩個套餐，一個係茶燻雞佐烏龍茶漬飯配玫瑰洛神花茶，另一個係滿漢牛肉麵配百香果蘇打。
上：茶燻雞佐烏龍茶漬飯配玫瑰洛神花茶，下：滿漢牛肉麵配百香果蘇打。
先上嚟嘅係茶燻雞佐烏龍茶漬飯，雞扒又大又厚上面鋪住茶葉，入口好濃郁嘅煙燻味，茶漬飯就濕濕哋，茶味唔濃，小番茄配菜好清新。洛神花茶甜度剛剛好，唔會只得甜味。滿漢牛肉麵上面幾片牛𦟌好香軟，另外湯裏嘅牛腩同牛筋好軟腍入味，但係要快食，攤凍咗湯裏面嘅油就會凝結，麵條亦會變得比較腍。百香果即係熱情果，蘇打充滿果香真係好好飲。
雞扒又大又厚上面鋪住茶葉，入口好濃郁嘅煙燻味，
滿漢牛肉麵。
漢牛肉麵上面幾片牛𦟌好香軟。
湯裏嘅牛腩同牛筋好軟腍入味。
玫瑰洛神花茶。
呢間餐廳環境真係好懷舊，好有特色，值得去吓。我覺得環境比食物更加吸引，即使係一道門都睇得出餐廳有花過心思去裝飾，啱晒鍾意懷舊嘅朋友！◇
古董裝飾：留聲機。
懷舊裝飾：舊信箱。
米芝Gi鍾意飲飲食食，對食物質素絕對有要求， 食勻港九新界大小特色餐廳、街頭特色小食；對於市面上嘅新事物，不講論健康生活，扮靚潮流資訊佢都會留意去嘗試，有好嘢正嘢筍嘢鍾意開心share，係地道港女一名！ 依家佢藉機會將愛好分享畀大家。如有好嘢正嘢想同米芝Gi分享，或者查詢及反饋，請email：micgigidjy@gmail.com
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
