客問點解買嘢要畀錢 超市經理用心回應獲讚

日前在FACEBOOK社交平台上就出現了一張發人深省的AEON顧客心聲，不過發人深省的不是心聲而是店長的話，大家看到都不禁讚一聲：「呢個經理應該加人工」、「低能問題認真答。」

近日超市一段顧客的無理心聲及店長耐心回覆，引起了網民熱議。到底「點解啲嘢要錢？我屋企嗰啲係免費㗎喎」。 （唐山大地震FACEBOOK專頁圖片）

該張寫於上月23日的顧客心聲內容是：「請問點解啲嘢要錢？我屋企嗰啲係免費㗎喎，你係咪以為我好好呃？要呃我錢？」並畫加上一個慘慘樣。翌日24日店長作出回應，寫道：「本店是一間零售百貨公司，所有物品均需付款購買，明碼實價，童叟無欺。閣下所指家中的東西均是免費，想必是閣下的家人已付出金錢購買，而沒有向你討回相關金額，請珍惜家人對閣下的關愛，期待再次光臨本店，謝謝！」。

網民見到店長如此包容同耐心地回應無理的顧客心聲，都不禁真心讚好：「真係要讚個回覆」、「多啲欣賞，少啲怨懟，好得體嘅回覆，俾個Like Aeon店長」、「 店長情商好高」、「店長的回覆好過政府嗰啲新聞稿」、「店長好正，大方得體，我都鍾意去Aeon買嘢」、喺香港做零售店長，要做埋老師」。

亦有網民認真討論，疑惑顧客心聲的事主家中，物品是否真的已付款；亦有人想到訪免費的家：「咁睇黎反而要去佢屋企shopping喎」、「嗰個客人住係邊？佢自己話屋企嘅嘢都係免費，咁就好喇，我都想幫下啲露宿者、獨居老人添加啲日用品」、「屋企起邊，搵日幫襯下」。不過同是亦有人指出「免費是最貴的」，或許這就是家人的照顧及愛了。@