管制即棄膠餐具措施昨日（22日）開始實施，稻苗飲食專業學會榮譽會長黃傑龍同日晚上於社交平台宣布，旗下的牛角、牛角Buffet、牛涮鍋MMC及溫野菜4個品牌全面放棄外賣。他表示，4個品牌的外賣生意本身不多，因此索性「一次性終極走塑免麻煩」。
黃傑龍昨日在社交平台發文，宣布公司四大主要品牌，包括牛角、牛角Buffet、牛涮鍋MMC及溫野菜，已全面放棄外賣，只做堂食生意：「反正我們外賣生意也不多，一次性終極走塑免麻煩」。該帖文獲得逾4,700個讚好，並獲得大量網民留言支持，有網民指日式燒肉和火鍋本身就難以外賣，以一刀切方式放棄全部外賣生意更一勞永逸。對於有網民留言認為政府希望透過走塑「引返啲人去堂食而放棄外賣」，黃傑龍留言回應稱「有冇咁高招啊？我哋政府？」
黃傑龍今日（23日）早上再於社交網站帖文解釋放棄外賣的決定：「估唔到一覺醒來琴晚個post幾千個likes，甚至有人話我咁樣係軟對抗或者反對走塑，no no no no，絕對不是，我只係話俾大家知減少使用即棄塑膠嘅方法有好多，包括堂食，或者使用可重用餐具喺屋企或者寫字樓食外賣等等，要睇你自己嘅情況，要從心出發，否則你用比較貴嘅價錢去買一套餐具然後即棄，表面上係合法但係更加唔環保，或者我見到好多人講到件事好極端好似世界末日，不是的，簡單到去堂食已經解決咗㗎啦，關鍵係係咪適合你。」
黃傑龍其後又在回應留言時補充，表示自己應該「講得正面啲」，不是「放棄外賣」，而是「專注堂食」。
有網民就認為，政府應該加強教育和宣傳，而非以一刀切的方式全面禁止。黃傑龍表示同意，他形容做環保同追女仔一樣「得到佢嘅心係得到佢個人」，指法例只是一個輔助工具，環保需要大部份人從心支持才可成事。亦有網民認為，管制即棄膠餐具會與當年膠袋徵費一樣，市民慢慢適應後便會接受。@
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
