早前國際邁阿密在港的表演賽，球王美斯缺陣，有購票入場的前財政司司長曾俊華今日撰文，亦表示覺得非常失望，直言沒想到他不會落場。不過他指，事件演變成國際事件是「好事變壞事」，又特別指出如果動輒將事件提升至政治層面，無可避免會影響到香港的國際名聲。
曾俊華今日（11日）在其facebook發文，回顧上周六（4日）到大球場觀看國際邁亞密對港聯的賽事，並說難得美斯再來港，可能是自己最後一次可以親眼看他在球場上演出，雖然門票「真係相當貴」，但機會難得故仍參與。他回憶當日坐在「老友記」、前特首曾蔭權及其太太旁邊，又透露曾蔭權本身喜歡看足球，故他看得很投入。
曾俊華續說，到了球賽下半場，後備球員出來熱身，「大家開始覺得唔妥」，完場前10分鐘，美斯還是穿著外套在場外觀看球賽，「大家終於頂唔順，大叫『回水！』，包括我在內」。
曾俊華坦言：「問心嗰句，賽前真係冇一刻諗過，美斯會唔落場扭幾下波，更加冇諗過，佢一句聲都冇出過，所以我同在場絕大部份美斯擁躉一樣，覺得非常失望。」
對於主辦單位最後決定退回一半票價，曾俊華認為至少會令失望的球迷沒有那麼「谷氣」，但對於美斯沒落場獻技的遺憾仍「無法彌補啦」。
曾俊華感嘆，本來是大家非常支持和喜歡的盛事，最後在噓聲下收場，「還要演變成國際事件，好事變壞事，點解好似近年屢見不鮮呢？」他又指，如果動輒就將事件提升至政治層面，無可避免會影響到香港國際間的名聲，認為大家要留意這方面的事情。
他表示，是次美斯來港，應是繼2003年沙士疫情後，皇家馬德里來港作表演賽後，最受港人歡迎同接受的盛事。當時朗拿度、卡路士、施丹、費高、碧咸、魯爾「6條A」陣容「可一不可再」，「睇過嘅朋友都會覺得今生無憾。」曾俊華在文末特別以hashtag形式，提到自己「有份叫回水」，以及「好事可唔可以唔好變壞事」。@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
