曾俊華遇不懂粵語網約車司機：似乎完全不熟悉香港道路

前財政司司長曾俊華表示，在電召網約車後，遇到完全不懂粵語、講普通話的司機，對方似乎完全不熟悉香港的道路，反問不熟路的司機照樣接單，對乘客是好是壞。

曾俊華今（23日）在Facebook發文，表示完成上周的北京公幹行程回港，下機後，電召網約車回家。司機「講普通話，完全唔識講廣東話」，令他意外的，是對方「似乎完全唔熟悉香港嘅道路，尤其係我要前往嘅目的地，即係我住嗰個已經有幾十年歷史嘅屋苑，司機大佬直頭好似冇聽過咁。」不過曾俊華提及，該司機駕駛技術完全無問題，能夠妥當顧及路上安全，全程跟導航指示，慢慢地駕駛，回家算是「幾順利」。

但是他稱，最近有幾次類似經驗，「有咗科技嘅幫助之後，唔熟路嘅司機，都可以照樣接單可也，呢個係進步定係退步呢？呢個對乘客係好事定係壞事呢？」

不同網民回應時，分別表示「坐車坐輕鐵都好多普通話出現，本地人越來越少」、「不如你講下外勞影響香港勞工階層有幾多，前財爺」、「香港基層好多人失業喎！」，亦有人唱反調，反問跟導航走有麼問題，認為「熟路」與否都仍然有「兜路」空間，跟導航行「有根有據」。@