【打油詩】港媒逐個被宰割，我何時能出聲？

《南早》換政協總編輯變《紅早》，我唔出聲，因為我唔識英文。

《香港電台》烽煙節目叮走吳志森，我唔聲唔聲，因為仲有隔離台李慧玲。

《陽光時務》創辦人街頭遇襲，我沒有出聲，因為我唔識佢係乜水。

《信報》換河蟹總編輯、抽起「獨眼香江」版文章，引發該版全組人請辭。我還是唔出聲，因為我唔睇這份扮精英的報紙。

《主場新聞》被網絡攻擊，我又唔聲唔聲，因為我唔上網。

《獨立媒體》被襲擊，我唔出聲，因為佢地成班左膠。

《DBC》「被商業糾紛」收檔，我唔出聲，因為數碼收音機貴。

《商台》公公把李慧玲從黃金時段烽煙節目調走，我又唔出聲，因為李慧玲把聲好難聽。

《明報》總編輯唔聽話被調走，編輯部面臨整肅，我又唔聲唔聲，因為聽聞個總編份人好串。

今日，商台宣佈即時解僱李慧玲，拒絕解釋任何原因，只表示「君子相分，不出惡言」。

從鄭經翰封咪，到黃毓民被炒，以致吳志森被叮走，今天終於到李慧玲，下一個是誰？我們不知道。

但香江已變得十分和諧。

寒風不可怕，可怕的是言論自由的嚴寒將至。

備註：李慧玲被炒事件發生之後，在聲援她的Facebook上，有市民立即貼出這首打油詩，列出港媒近年來被一一宰割的實例，此刻有這樣的好詩歌出現，確實鼓舞人心，但上述舉例中，仍漏掉一直走在撐香港新聞自由、最敢於曝光真相而因此一直遭遇到中共最嚴厲打壓的香港《大紀元時報》。