蔡瀾現身馬來西亞 自爆為救太太跌斷骨

年屆82歲的蔡瀾今年3月因為跌倒受傷而休養，社交網站亦久久未有更新。近日他就飛到馬來西亞吉隆坡出席自己的慈善書法展開幕活動，面貌比以前蒼老不少，而且仍要以輪椅代步，不過他頭腦依然靈活和保持一貫風趣性格。蔡瀾在活動上談及自己今年跌倒的經過，透露自己為了救跌倒的太太時，自己也一起跌倒而受傷。

蔡瀾在今年4月中曾經在社交網站貼文，表示自己跌了一跤，股頸骨碎裂受傷。他當時更表示今次受傷「手尾很長」，自己亦心情欠佳不想做任何事，因此會暫停更新日記，並希望大家給他多一點時間。到近日有網民發現蔡瀾在馬來西亞現身，面容蒼老不少，而且亦要以輪椅代步。

原來蔡瀾今次到馬來西亞是出席在吉隆坡舉行的《草草不工》慈善書法展，好友鍾楚紅亦專誠飛抵當地支持。蔡瀾在座談會提到，自己因為救太太張瓊文而受傷︰「呢個老婆真係箍住我條頸，箍咗幾十年。佢已經84歲，佢跌倒，我衝去救佢嘅時候，我自己又跌倒，但佢就過咗啦，我就骨頭斷晒，嗰段時間好慘，痛苦。」

蔡瀾又說，受傷期間想起了已故好友倪匡的一席話而令他克服痛苦：「真嘅痛苦如何克服佢呢？就係食必理痛，1粒唔夠食2粒，當花生食，呢個就會醫你嘅生理痛苦，其他心理痛苦係諗出嚟嘅，如果你唔去諗就冇事」，蔡瀾續說：「所以我盡量唔諗」。

蔡瀾與金庸、倪匡和黃霑有「香港四大才子」之稱，除蔡瀾外其餘3人均已去世，有觀眾問蔡瀾如果可以再見到倪匡及黃霑的話，有什麼話想跟他們說，蔡瀾立即笑著表示：「走得咁快，唔等我一齊！」他更坦言承認至今仍然掛念兩人。他另透露，自己已賣出物業，租了一個可以看海的公寓，並表示現時生活不錯。@

------------------

------------------

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand

蔡瀾現身馬來西亞自爆為救太太跌斷骨