元朗Yoho Mall、千色廣場一帶昨晚8時許停電

社交平台「香港突發事故報料區」昨日（23日）晚上8時，有網民上載一條影片，只見在元朗Yoho Mall、千色廣場一帶，店鋪林立、燈光閃耀的街道突然一片漆黑。有現場市民隨口嗌：「喔呵呵呵呵大鑊！」，但無混亂和喧嘩，有人繼續在黑暗中行走，亦有街上行人平靜如常的說話聲。

有網民留言：「就黎好似台灣甘樣經常停電，係咪都要用愛發電」、「呢鋪含包散，一停電，乜嘢消費券都要即時收皮」。

有人笑稱返璞歸真：「變回小漁村」、「有無人好似我咁XX睇咗10+次」「咁似70年代成日跳制成坐大廈停電真攪笑」「開口埋口都話黑暴丫嘛，宜家求仁得仁啦......」、亦有人調侃：「點解美國佬一次又一次破壞香港供電系統？」

不過，有人就提出關於香港電力供應「兩電獨大」問題：「全球咁多電力公司，可以引入其他公司」、「一路唔開放香港電力市場，香港人同香港成為水魚，兩電獨大，每年巧立明目加電費。澳洲輸72億，今年加5.8%。」、「港燈北上，中電南下？」@

------------------
請訂閱新官方YouTube頻道：
https://bit.ly/2XxPrsd

------------------