各位觀眾，大家好，今天是 4 月 29號，星期四，歡迎收看紀元頭條。我係雪兒。

中共自3月起封殺台灣鳳梨入口後，反而得到各國力撐。日前，係日本超市，台灣鳳梨幾度賣斷貨，得到日本民眾嘅力挺。近日，日本前首相安倍晉三又係 Twitter 上讚台灣鳳梨，被網友熱傳，同時台灣總統蔡英文亦轉推，同安倍互動。

4月28日，安倍晉三係 Twitter上發左一張台灣鳳梨嘅相關圖片，圖片顯示，安倍手拎住一個台灣鳳梨，滿臉笑容。推文話：「今日嘅甜品係鳳梨，睇起黎好好食。」

唔到半日時間，該推文被點贊近10萬、被近2萬人轉發，唔少轉推嘅日本網友誇讚安倍笑容，仲話經佢咁樣宣傳，超市又要斷貨了。

台灣總統蔡英文亦同安倍互動，用日語轉推話：「請盡情享受台灣鳳梨！ 如果五個唔夠，請講一聲， 隨時送過去！」

之前，蓬佩奧曾經發 Twitter 力撐台灣鳳梨，推文圖片裏面，彭佩奧一身居家嘅休閒打扮、手裏面拎住一包台灣鳳梨乾，一邊下國際象棋。推文寫住「作為自由嘅擁護者，享用台灣嘅鳳梨乾。將軍！」

呢次安倍再次讚台灣鳳梨，有網友話：「台灣鳳梨再次將台灣推向國際舞台，中共又被將一軍，建議將台灣鳳梨改名『亡共果』！」

對於中共向周邊日益擴張嘅野心，日本近日又做出令中共扎扎跳嘅舉措。

4月27號，日本政府係發布2021年版《外交藍皮書》，強調對中共嘅軍事擴張，以及係東海同南海日益增長嘅活動表示擔憂。

外交藍皮書報告裏面指，中共軍事擴張缺乏透明度，以及單方面採取行動、企圖改變亞洲水域現狀嘅行為，將對該地區同國際社會嘅反應表示「強烈關切」。

今年報告嘅措辭同舊年相比，凸顯日本對華戰略出現大轉彎。舊年嘅報告將中共軍事活動描述為「共同關心問題」，同時強調習近平去日本參加係大阪舉行嘅20國首腦峰會，以及日中關係嘅解凍。

今年日本仲同美國、澳洲同埋印度組成「四方同盟」（Quad），以推進諸如印度太平洋地區航行自由，以及對抗中共擴張、維護世界秩序等。

此外，今年嘅報告仲提到左中共涉嫌係新疆地區侵犯人權，以及對香港嘅鎮壓都係令人關注嘅問題。仲提到日本政府一貫支持台灣以觀察員身分參加世衛大會。

日本嘅外交藍皮書再次令中共扎扎跳，中共外交部發言人汪文斌係同一日表示，日本新版外交藍皮書大肆渲染中共威脅，惡意抹黑，且干涉中國內政，就該報告對中共軍事能力同海事活動，已向日本提出嚴正交涉。

關於被擱置嘅習近平訪日一事，外交藍皮書話，兩國暫時應著力遏制病毒大流行問題，唔打算討論訪問嘅時間表。

關於同美國嘅關係，報告話日美同盟繼續成為日本外交同安全政策嘅基石，面對該地區安全環境嘅不確定性，日美同盟比以往任何時候都更加重要。

同一日，日本仲祭出一項針對中共「千人計劃」嘅殺手鐧。

《日經亞洲評論》4月27日報導話，日本政府嘅創新促進委員會27號表示，將要求大學研究人員係申請公共資金時，需如實報告來自任何國家同其它外部來源嘅資金捐助。如果被發現有虛假報告，申請人將被限制接受此類資金贊助。

報導尤其提及北京嘅「千人計劃」問題。相關指引將係今年年底前定稿。

本月中旬，日本首相菅義偉同美國總統拜登係華盛頓會晤，雙方同意係前沿領域進行雙邊合作研究，並強調生物技術同人工智能等領域嘅尖端技術往往同時具有民用同軍事用途。華盛頓希望確保呢D可能威脅到國家安全嘅信息唔會從日本方面洩露出去，因為呢D領域已經成為美國同中國之間技術競爭嘅主要爆發點。

外界指，日本政府推出相關措施展現美日對抗中共嘅默契。

近日，印度嘅中共病毒疫情迅猛爆發，好似舊年武漢。

印度嘅中共肺炎疫情當前正處係迅猛爆發期，截至4月27號，印度單日新增確診32萬3千1百44例，已連續 6日突破30萬例；新增死亡2千7百71例。

多間印媒4月27號報道，印度總理莫迪嘅叔母納爾馬達本•莫迪（Narmadaben Modi）因感染新冠肺炎，當天係印度一間醫院去世，終年80歲。

CNN27號，引述未具名消息來源話，美國駐印度使館機構最近幾個禮拜已經有百幾人確診染疫，並有2名僱員因此死亡。

此外，《今日印度》（India Today）27號援引消息人士嘅消息話，印度衛生部長布山嘅中共病毒檢測結果呈陽性。

由於疫情持續飆升，印度嘅醫療體系已經瀕臨崩潰，醫院床位同氧氣樽都已經無曬。黑市上嘅藥品、氧氣樽同製氧機價格飆漲，一樽氧氣嘅價格甚至飆升到600美元。火葬場亦出現死者遺體黎唔切焚燒，而排長龍嘅狀況。

印度嘅疫情迅猛爆發，一D影星同富豪正係逃離印度。據《印度斯坦時報》（Hindustan Times）報導，由於疫情慘重，有錢嘅影星同富豪大亨們正紛紛逃離印度，導致前往歐洲同中東等地區嘅機票價格暴漲10倍。

國際社會正向印度伸出援手，4月27號，英國嘅醫療用品率先抵達印度，200件貨物裏面包括呼吸機同氧氣濃縮器。

印度脊椎損傷中心負責人普雷瑟姆（K. Preetham）話俾路透社聽：「七日黎，我地大多數人都無瞓過。」「由於（氧氣）缺乏，我地被迫俾兩名病患共用一個氧氣樽，而且呢個好耗功夫，因為我地亦無夠長嘅管線。」

另外，美國、法國正向印度運送氧氣生產裝置，以及呼吸器等，泰國同新加坡已經運送左一D空樽。
中共4月26號，亦聲稱會向印度提供援助，中共外交部幾名發言人先後表示「願為印方控制疫情提供必要嘅支持同幫助。」

不過，《印度時報》4月26號報導，中國四川航空嘅川航物流公司突然停飛印度嘅貨運航班15日。呢個令到貿易商同代理商都大吃一驚，因爲佢哋正努力從中國採購氧氣機同其它醫療設備，打算運往印度，印度當地急需要呢D物資黎救命。

之前雖然英國、加拿大、阿聯酋等多個國家同地區限制來自印度嘅「客運航班」，但係禁令唔包括載有醫務人員嘅「貨運航班」。而川航物流公司聲稱停止「貨運航班」係「為左減少境外輸入病例嘅數量」。

報導話，貿易商仲抱怨中國嘅製造商將相關物資嘅價格提高左 3成半到4成，總部位於上海嘅貨運公司Sino Global Logistics表示，運費亦漲價左 2 成以上。

係 26號嘅例行記者會上，有印度記者就以上問題向外交部發言人汪文斌發問，汪文斌就要記者自己去向航空公司了解情況。汪文斌只係重複中方願意根據印方嘅需求提供幫助。

民主中國陣線主席秦晉表示：「印度在這個時候應該可以清楚的看出來，這是中國政府慣用的手段和技巧，是來對印度進行進一步政治壓力的施加。用這種方式來讓印度在和中國的對抗過程當中知難而退，其實這是變相的一種報復方法。」@

------------------

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand