曾俊華： 吸引家族辦公室要搞清楚目標（有片）

圖為曾俊華任財政司司長期間，與香港商界訪問團往杜拜，聽取當地官員介紹中東的經濟情況。（政府新聞處）

「杜拜王子」阿里來港投資「真假」的話題近期引起港人討論。前財政司司長曾俊華今（14日）亦在其FB發表評論，認為只要做好香港的投資環境，制訂吸引的稅務安排同政策，保持香港原有生活方式，「呢啲家族辦公室就自然會嚟」。他又指，若要吸引更多家族辦公室，要有清楚的目標，才能針對性地做工作，才更有效。

曾俊華的帖文以「中東王子」話題開首，認為有新資金投放香港「當然是好事」，並指香港最吸引外國投資者之處，是普通法、低稅率，沒有增值稅、消費稅，始終認為做好香港的投資環境，制訂吸引的稅務安排同政策，保持香港原有的生活方式，家族辦公室就自然會來港。

他並提到，香港一向都有不少富貴家族一早有自己設立的辦公室從事投資，部份會將資產交予私人銀行家，協助投資、管理；但私人銀行家收取的管理費用相當高，所以市場上會有聯合家族辦公室（multi-family office），由一個專業團隊，同時集中投資管理多個家族的財富。

曾俊華認為，如果香港想吸引更多家族辦公室前來，要先搞清楚目標，「首先要搞清楚我哋（我們）究竟希望達到啲乜嘢（達到一些甚麼）目的？想收到乜嘢嘅（甚麼的）效果？例如係咪（是否）可以吸引佢哋（他們）投資喺（在）香港嘅企業呢？可以為香港增加幾多個就業職位呢？係咪會租地方開設實體嘅辦公室呢？當我哋有清楚嘅目標，我哋先至（我們才）可以有針對性咁（般），去做工作，咁（這樣）就會更加有效」。

對於近期惹起風波的「杜拜王子」阿里，他憶述擔任財政司司長時，曾去中東幾個城市考察，「仲（還）同當時人氣迫人嘅（的）沙特王子 HRH Prince Alwaleed Bin Talal 會面，仲去咗佢嗰間（還去了他那間）誇張到令人嘩然嘅大宅作客。當時佢雄心壯志，希望可以大展拳腳，亦曾經計劃過興建一座全球最高嘅大樓」；「之不過後嚟（後來）今日嘅王儲上位之後，沙特政府就以打貪之名，一度將呢（這）位『中東股神』軟禁喺酒店，呢位王子最終成為呢場政治鬥爭嘅大輸家」。

曾俊華又指，近日聽到很多人提到去中東投資，重申要搞清楚投資目標，「其實嗰度（那裏）周圍都係沙漠，滿眼都係黃泥沙，我哋（我們）真係要搞清楚我哋投資嘅目標係乜（是甚麼）。」

翻查資料，曾俊華提及的沙特王子是HRH Prince Alwaleed Bin Talal（阿爾瓦利德王子），是Kingdom Holdings（王國股份）的主席，曾俊華在2014年12月率領商貿代表團考察中東期間，曾經在當月7日的下午與其會面。根據當時的政府新聞稿描述，他當時行程旨在促進香港與沙特和阿聯酋的經貿投資聯繫，同時推廣香港作為國際金融中心和離岸人民幣業務中心的優勢。@