打穿主力牆｜屋宇署：難百分百復原臨時支架要改千斤頂（有片）｜大紀元時報香港

屋宇署署長余寶美表示，被拆除主力牆只佔全層大廈結構牆1%，並不代表影響小。資料圖片。（宋碧龍／大紀元）

將軍澳日出康城首都一個住宅單位，裝修期間違規拆去部份主力牆。屋宇署署長余寶美今日（31日）在電台節目表示，她昨日報被拆除主力牆只佔全層大廈結構牆1%，不代表影響小；而樓宇整體結構無危險，亦不代表沒有長遠影響。她指出，即使日後完成修復後，雖可達到法例標準，但亦未必能百分百回復原有的狀態。

余寶美表示，涉事主力牆無拆除近窗邊、承托橫樑的地方，對維持大廈結構有幫助，當局整體評估後，亦認為有關改動對大廈結構無危險，「可能市民未係完全理解，佢嗰幅牆拆個部份，唔係拆到去邊邊，佢只係近窗邊、個結構窗痴住窗嗰度，承托住窗邊上面個橫樑，嗰部份結構牆，佢係無拆到。」

而外界最關心業主修補主力牆，能否完全解決結構安全問題。余寶美回應時說，屋宇署仍要詳細調查之後所衍生的長遠影響，但她坦言：「打咗個窿再修補返，梗係唔係幾好，所以我哋成日話唔好隨便做呢樣嘢，有陣時有啲嘢做咗，真係好難返轉頭。」她又謂，「我只能夠咁講，拆咗個窿修補返，理論上係可以達到返法例上嘅標準，但你又唔可能話補返，就等於100%同原本一樣，回復原有狀態。」

涉事單位將安裝「千斤頂」

對於目前業主在打穿主力牆的位置所加裝的臨時支架，余寶美直言「不收貨」：「個支架我哋係唔接受」，並指已與業主委任的結構工程師達成共識，包括儘快安裝「千斤頂」取代臨時支架。她強調，業主須作出修復，包括接駁鋼筋等，相信其委任的結構工程師不久便能提交報告，而署方亦會儘快審視有關修復方案，是否能達到現時法例標準。

至於主力牆是否一定不能拆除，她表示難以一刀切「講得或者唔得」，如果單位位處大廈的最高樓層，或者面積細小，可能會相對容易。而今次事件涉及的主力牆，她認為「應該係困難重重，因為咁高嘅大廈要做一個咁樣嘅窿，要批得到，我相信我哋真係會好仔細同個結構工程師討論。」她亦強調署方經過專業評估，判斷涉事單位的改動並不對大廈結構構成危險，周邊住戶不需過份憂慮。

被問到如果有業主發現主力牆被拆走應如何處理，余寶美表示應儘快找專業人士跟進，提交圖則修復。至於提交圖則後會否被控告，她就表示要視乎情況和證據。