聖誕節日,是互通消息問好的時候,在超過半年的反送中運動期間,有超過6,000人被捕。有一寫被捕人士更被還押在收押所,不准保釋,直到下次開庭審訊。最近有11位還押中的抗爭者寫了一封公開信致「全港仍抗爭的手足」,他們當中包括了人踩人當日、11月三罷、12月三罷、11月太古城、理大戰役被捕的抗爭者,這些被還押的抗爭者仍然很關心在香港社會發生的事,也痛心看到繼續抗爭者的遭遇,希望抗爭者不要放棄,堅持走下去的是勝利。一下是公開信的全文:

致:全港仍抗爭的手足的公開信:

首先要多謝 612 基金以及星火對我哋還押中嘅手足提供的法律支援。

我簡單介紹合力寫出此信 11 位手足,包括人踩人當日被捕、11月三罷被捕、12月三罷被捕、11月太古城被捕、理大戰役被捕、仲有幾位身份敏感嘅被捕手足。

本人綜合另外 10 位手足嘅意見寫出此信,此信經非常曲折的方法寄出,才令你哋睇到我哋嘅說話,希望你哋可以抽幾分鐘時間閱讀此信。

睇到新聞兩間大學之戰役,有 7 位未能經歷當中的手足表示痛心,因為未能同手足齊上齊落,11月 19 及21 號嘅蘋果頭版,更加令到我淚流不止,當有一小段講:「手足想食 Pizza 因為驚係最後一餐」,究竟該手足承受過咩壓力,先會咁講。

12月15 號,雖然知道多區開花,但最令我哋 11 位手足唔開心嘅事,發生係沙田同旺角,當行街被當非法集結,當黨鐵站變咗胡椒噴霧站,商場中庭再次變成戰場,Now新聞台清楚拍攝到有穿著反光衣嘅記者比 PoPo用催淚彈打中當場暈底,對住得街坊嘅街道射 TG,一幕一幕烙留咗係我哋心中。

我哋其實唔想再聽到有手足被咬嘅新聞。我僅代表 10 位手足,我哋受苦就足夠,你哋要一切小心。唔好浪費我哋 11 位手足曾經付出過嘅血汗淚。

希望你哋千萬唔好放棄,堅持到底就是勝利。

鎖得住我哋的軀體,鎖不住我哋的意志。

五大訴求  缺一不可  光復香港  時代革命

祝:廣大仍抗爭的手足,平平安安,身體健康,周同學可以安樂咁去第二個地方生活

11 位還押中的手足上

@