【米芝Gi周記】特色茶餐廳打邊爐

米芝Gi講食

特色茶餐廳打邊爐

上星期凍凍哋，一班朋友出來happy gathering，我哋一行六人去旺角新開慨「火水爐」打邊爐，渠日間系茶餐廳，夜晚搖身一變做火鍋，馬路對面抬高頭就望到渠大大個招牌，渠個招牌做成戲院廣告牌咁，由樓梯上去都系一啲懷舊慨海報畫，上到去見到一排火水爐不過系擺設嚟，裡面唔係好大應該大約十張台（我冇仔細數過），雖然地方細細，但係坐落同隔離台都有空間唔會背貼背，裡面周圍環境都佈置得好懷舊，幾得意。

一坐落台上面就有9款醬料自己隨意加，然後一張紙點火鍋料，渠有套餐，但系每位308元都幾貴嚇所以我哋散叫，火鍋料種類唔多，而且當日好多都冇供應。散叫都唔平，酒樓價錢，我哋叫咗個鴛鴦鍋底，點咗手打牛丸拼墨魚丸，響鈴，美國肥牛，手打墨魚滑，脆鯇魚片，水餃拼魚皮餃，粟米同2款菜，即使菜咁簡單但選擇都好少，同行有幾個朋友想食西洋菜但冇，最後我哋就揀油麥菜同生菜。

湯底一邊系芫茜蛋一邊系沙嗲，沙嗲湯底好濃偏鹹，鍾意濃味慨就啱曬。雖然系茶餐廳格局酒樓價錢，但係食物質素ok，牛丸系醬爆牛丸，有機汁流出來。手打墨魚丸好彈牙，粟米好甜好食，脆鯇魚片好新鮮，墨魚滑都好好食。但係水餃就唔得，啲皮好厚，魚皮餃系大路貨。因為本地手切肥牛貴，我哋就叫咗美國肥牛，肥牛真系幾肥下，都有啲牛肉味，不過有啲韌咬唔斷要成塊吞，朋友都話吞落去嗰下感受到肥牛由喉嚨落到胃慨感覺。埋單每人一百八十幾蚊，真系唔平，但系服務幾好！

食完立刻過對面「甜牙牙」挑戰嗰個好似層層疊慨九層窩夫，呢一個窩夫想食好耐但係每次都不多食人唔到，今次齊人梗系一定要叫啦，等咗差不多一個鐘。一上台成間店慨食客都望住，我哋呢一台成為咗全場慨焦點，哈哈！

窩夫每一層都唔同餡料，栗子蓉嗰一層最味道突出，奧利奧都唔錯，甜牙牙慨窩夫一向都系好食慨，渠餐牌上重寫住如果一個人45分鐘之內食曬就可以免費，如果大家自認系大胃王慨話可以去挑戰一下。

米芝Gi提提你：唔想九層塔變做比薩斜塔慨話，相機先食慨時候大家記得小心，仲有千格理好好亂嚟掹走竹籤，小心倒塌冇得拍。◇

Häagen-Dazs之前推出個期間限定慨日本抹茶糯米糍同北海道紅豆糯米糍雪糕，今年香港終於都有呢2款糯米糍雪糕賣喇唔使去日本，收到風我立刻去便利店買齊兩款即試，一試實在太美味喇〜抹茶味超香濃，紅豆味超香滑而且紅豆已經和雪糕完全融合一齊，唔會食到紅豆皮，每杯裡面都大約有9粒糯米糍，兩款甜度都啱啱好，真系要講多次實在太美味喇，我食到停唔到口，即使兩款混合嚟食都好好食。供應期有限，想食就趁快，唔係就冇曬。

日本明治最新推出寲五款朱古力「The Chocolate」，市面上仲未有得買，而我有幸有朋友去發怖會帶返嘪畀我試呢五款朱古力，為寲令大家清楚知道試食完之後我嬣感覺，我列點就報告如下：

Sunny Milk：味道平均，偏dark唔係好甜，五款之中最好食。呢款亦係日本起舊年推出時最受歡迎嬣兩款味道之一；

Matcho：出奇地好食，因為佢係抹茶融入dark chocolate，唔係平時市面上綠色好奶好甜孻種抹茶朱古力；

Brilliant Milk：牛奶味朱古力，奶味重偏甜，諏晒鍾意牛奶朱古力嬣朋友；

Comfort Bitter ：佢用嬣係經過高溫深度烘焙嬣可可豆，味道就好似 Pacific Coffee 嬣 Americano 咁，唔係人人都可以接受；

Elegant Bitter：另一款都唔係人人接受到嬣味道，因為入口好酸又帶苦，感覺好怪。

米芝Gi試食報告完畢，好快呢5款朱古力就會推出市面，鍾意朱古力嬣大家可以參考我嬣意見，或者根據自己個人喜好買嘪試下。◇