《2017香港小姐競選決賽》前日在無綫電視城舉行，賽果爆冷，由5號佳麗雷莊𠒇勝出，大熱1號何依婷屈居亞軍，令眾多觀眾及網民跌眼鏡，部份網民更在網上留言表示不滿及失望。
三甲港姐誕生爆冷令人意外
當晚10位佳麗經過一連串的對決，淘汰至5強，繼而接受終極考驗誕生最後三甲，再由星級評判選出結果，最終鄭裕玲投關鍵性的一票，令雷莊𠒇穩奪冠軍，而1號何依婷獲亞軍，4號黃瑋琦得季軍。
雷莊𠒇自信奪冠 想食炸雞慶祝
23歲的雷莊𠒇來自多倫多成為《2017香港小姐競選》冠軍，同時獲得「最上鏡小姐」獎項，成為雙料奪冠。比賽完結後，雷莊𠒇工作至凌晨換回便服由大會安排的車輛護送回家。受訪時被問到自己為何勝出？她表示當晚覺得自己整體表現好，勝在夠自信心。（會怎樣慶祝？）最想食炸雞。（網民對賽果不滿？）雷莊𠒇說網民對自己的惡評並不介意，亦不會每個人都喜歡自己，世界人人都可以有自己的看法，港姐冠軍果然充滿自信心。
Do姐投關鍵一票 每年賽制不同
到5位佳麗在終極考驗講感言拉票，投了關鍵性票數的鄭裕玲（Do姐）表示責任及壓力好大。Do姐說：「選港姐係睇整體，要有樣貌、高度及自信，呢三方面佢（雷莊𠒇）都表現到。」
其中Do姐對雷莊𠒇在唱歌環節唱Opera技驚四座表示印象深刻。賽後Do姐受訪時都有解釋為何最後投票給雷莊𠒇，佢話其實1號同5號成晚表現都好好，「但我覺得5號由佢唱歌、著衫、泳裝，全晚嘅表現都對自己特別有信心，所以最後決定性一票投咗畀佢。當然1號何依婷表現都非常好。頭先我同1號講嗰票投5號，佢都好開心，話得到亞軍都好開心。」
有說Do姐一人投兩票而逆轉賽果覺得不公平？Do姐笑言：「每年有唔同賽制，咁先有新鮮感！」◇
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
