在剛過去的周日，Do姐（鄭裕玲）在《飯戲攻心2》映後現身即時來一場破天荒合作現場版《The Do Show》，與眾飯團談談心，結果出現不少爆笑時刻！鄧麗欣（Stephy）被問及感情事引起全場起哄、張繼聰（阿聰）被Do姐讚木村拓哉笑言感到被誅、林明禎大大聲講「埋街食井水」。
Do姐和眾演員大談電影幕後花絮，經歷兩段不太順利感情的Stephy被Do姐問及，是否相信對白「我不相信婚姻，但我相信你」時引來全場起哄，Stephy坦言同自己真實想法吻合，自己從小到大都在考究婚姻並認為「我的新郎在哪裏，我的婚禮在哪裏」更適合自己，因為最重要的是身邊那個人是誰。Do姐即時追問：「咁你而家搵到未？」Stephy笑笑口回答「希望可以快啲搵到 ！」
今次負責照住全家的二佬張繼聰，則表示有很多事情要處理的壓力反而成為一種愛，尤其是和三佬的關係，今次有更多機會去發揮變成一家人。Do姐又大讚阿聰年紀逐漸成熟，殊不知越大越似木村拓哉， 引起全場歡呼，阿聰聽畢馬上截停Do姐：「千祈唔好咁講，麻煩剪走這段。」Do姐續指：「有時睇IG post，睇到以為木村出po，原來係你嚟嘅。」阿聰笑言：「你呢啲係誅我唔係幫緊我，我呢次死緊。大家都係木村粉絲，唔好侮辱佢。」
Do姐又問林明禎今次「邊句對白最難？」，甜甜的明禎表示「廣東話真係好難！」，好似「埋街食井水」、「你唔好呃我膝頭哥唔食辣椒醬」，拍完戲都不明白是甚麼意思。
問到新加入的Jeffrey（魏浚笙）事前有冇做足充份準備，面對Do姐提問，Jeffrey竟大膽簡單回應兩個字「有呀」，即時令她反問：「咁就答完㗎喇？你想死啊？」Jeffrey笑笑再作補充：「當然有準備，但很享受自己污糟邋遢的造型，因為好爽，望到大家嫌棄自己個樣會好享受。」轉數快的Do姐再追問是不是很少見人對他面露嫌棄，二佬阿聰就忍不住出聲：「好寸啊你，我呢啲受咗成世。」Do姐直言：「轉個彎來讚自己靚仔。」眾人起哄即時令Jeffrey招架不住，自嘲並補鑊說：「我都覺得自己嘔心。」
現場觀眾都有向演員提問，首先問到上集距離續集已有兩年時間，有冇需要重睇首集溫書時，阿聰率先回應：「完全唔需要，因為做足數個月謝票，我同Stephy由夏天謝票謝到冬天，短髮變長髮，大家有很好的默契。而且大家演得好，所以入戲很快，望住Monica就會二佬上身，這就是有好對手的好處。」Stephy大表贊同指劇本寫得好所以很快投入角色，大家亦已建立好一定默契。
亦有觀眾發現，戲中有不少鄭伊健的「影子」，導演Sunny（陳詠燊）回應：「香港男仔應該都對伊健哥哥有種情義結，因為佢係香港幾個流行文化的icon，如：《古惑仔》、《風雲》等。所以寫劇本時下意識提及幾次，揀歌時又碰巧揀中他的歌曲，令伊健哥哥的精神不停出現在我們戲中。」
最後Sunny被問到有冇興趣搵Do姐拍第三集，他就立即答應：「任何人問我有冇第三集我都好有保留，但如果Do姐應承我即刻寫（劇本）。」Do姐：「我拍戲好麻煩㗎，我冇佢哋咁easygoing，佢哋咁nice。」觀眾隨即起哄，大家都相當期待Do姐再次現身大銀幕。＠
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
