古天樂早前拍攝本土名牌餅店月餅廣告硬照時，換上多個禮服造型，盡顯古仔跟品牌的尊貴形象。向來不拘小節的古仔現場亦忍不住品嚐蛋卷、禮餅等，更即場向餅藝師傅偷師，古仔還自爆曾下廚整餅但遭到一眾老友記嫌棄，叫他「以後唔好再整喇」。
連續兩年拍攝月餅廣告硬照，今年古仔就多了個拍檔，就是餅藝大師葉永華師傅，鏡頭後他向餅藝師傅偷師。原來貴為巨星的古仔早年曾試過下廚整餅，但慘遭嫌棄。「月餅對我嚟講係一件好難做嘅事，基本上冇咩可能完成，以前我都有試過做曲奇餅，派畀啲老人家食，但畀啲朋友食完之後，個個都叫我以後唔好再整喇，因為我真係唔識整嘢食！大家直情去皇玥買啦，又方便又快捷，啲嘢又好食。」
身兼香港演藝人協會會長的古仔，更表示每年都會透過轄下慈善基金，派月餅到單親家庭、社福團體等有需要人士。
古仔對今次代言的餅店推出「香港故事」系列餅食禮盒特別感興趣，皆因各款紙盒包裝均印上不同的香港代性建築物及景點，成為遊客必買的香港特色手信。他又指香港電影向來都受外國影迷歡迎，本土品牌不妨植入宣傳，藉電影吸引更多遊客到訪香港，兼搜購特色手信：「我前幾日睇咗一條片，就係講一個拉麵店，靠當地嘅一啲電視劇炒高人氣，每一集裡邊都有對白講『不如食埋個拉麵先走啦!』」而演員真係有食，自此之後呢個拉麵就成功咗，變得好出名。」
古仔指，只要不太刻意地讓產品融入電影中，其實是一個好好的宣傳方法，更即時掟橋出來，建議品牌可與港產愛情片合作：「如果中秋拍嘅題材，我諗係愛情故事，可能嘅話放一啲中國傳統元素裡面，譬如嫦娥，我覺得可以諗下嘅。」@
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
