為了拍新歌《在愛面前投降》MV，馮允謙（Jay Fung）日前在酷熱天氣警告下，穿著皮褸圍巾皮靴爬高蹲低走過森林，當大家見到他都覺得會中暑時，Jay Fung竟然能夠自我催眠到笑說：「有啲凍！」
天氣雖然好熱，但是Jay表示工作人員已為他準備好退熱貼、降溫噴霧和風扇，加上他自我催眠的神奇力量「心靜自然涼」。「今日嘅場景就好似去咗一個末日世界，我除咗行嚟行去，仲要爬上爬落和走入樹林，因為啱啱落完雨，周圍好多蝸牛，要好小心行，唔好踩扁佢哋。今日三十幾度，我不停催眠自己得十度，途人見到我著成咁仲成面傷痕，都被我嚇襯，以為我傻咗！多謝公司同事對我好好，風扇、冰貼和噴霧幫我降溫。」
Jay介紹《在愛面前投降》是一首相關情侶相處的歌，MV將會帶出一個既SWEET又凄美的故事。「呢首歌係講同另一半有拗撬嘅時候，係咪一定要拗贏？定係Let it go輸俾佢？其實最緊要係一齊，呢樣嘢先係最緊要。」Jay在MV中以一個「隱形的旁觀者」見證一對情侶，由求學時期到拍拖，男方因病無法繼續相愛，向女方求婚，相約下世再續前緣。這一段深情告白令鏡頭外的Jay感動，戲中擁抱女主角時流下真眼淚：「明明係一個好sweet嘅故事，但係個結局好凄美，佢哋拍求婚戲時真係令我好感動。」
MV中Jay以旁觀者身份見到這對情侶的故事，想到自己的女朋友，在衣袋掏出「女友」的相片。Jay向工作人員介紹她叫Jenny，由導演用AI設計，。今次新歌《在愛面前投降》 MV女主角Jackie，曾在Jay另一首作品《給缺席的人唱首歌》MV中飾演少女版媽媽，她在今次MV現場與Jay「相認」。@
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
