馮允謙（Jay）昨日（29日）在將軍澳MCP新都城中心舉行個人大碟「EMO」簽唱會，吸引約500歌迷排長龍，千人圍觀，並演唱碟內作品《無理取樂》和《會再見的》。
簽唱會下午3時開始，唱歌表演後，3時45分開始簽名環節。Jay除了簽名和寫感謝詞，還逐一同歌迷談天，約晚上8時半方結束。期間排隊的歌迷大合唱打氣，而Jay笑言太投入為大家簽名而忘記去洗手間。
簽唱會順利完成後，Jay說近年因為工作來去匆匆，「無機會停下腳步同歌迷傾吓偈，今日可以逐個聽吓佢哋對我啲歌和唱片嘅感受，有啲歌迷同我講，我嘅音樂點樣影響佢哋、陪伴佢哋、帶畀佢哋正能量，對我嚟講好有意義。因為我每次寫歌做音樂就係希望令人有感受，聽到佢哋嘅故事，知道我可以幫到佢哋，真係好感恩，好多謝大家。」
他又稱：「好感動，有歌迷為咗嚟今日簽唱會，原本去外國旅行都改行程，或者專登留喺香港。仲有啲歌迷嘅男朋友或老公陪另一半嚟支持我，等咗幾個鐘，好有愛，我要向佢哋好好學習。」
不少歌迷花心思打扮，又製作禮物送Jay，有歌迷更抱BB排隊簽名。其中一位媽媽級歌迷對Jay說：「你去年第一次紅館演唱會喺台上打鼓，佢（指BB）喺我個肚裏踢我，今年你開第2次紅館演唱會，佢出咗世啦，所以帶佢嚟見你！」亦有不少歌迷預祝他元旦日叱咤頒獎禮上有好成績，為他打氣。
明天除夕，Jay回望2024年十分感恩，他說：「今年好充實，完成咗好多願望，工作上做咗好多演出，而且終於出到自己嘅大碟，又可以搞簽唱會同大家見面，而歌迷願意咁樣排隊等我，逐個逐個傾偈，對我好大鼓勵，我真係好開心、好感恩。」2025年將至，Jay承諾繼續衝，繼續寫更多作品回饋歌迷支持，他希望放假去一個從未到過的地方旅行，刺激創作靈感。
Jay亦宣布好消息，其參演的電影《得寵先生》票房已衝破350萬港元，說多謝大家支持，「係好大嘅鼓勵，有好多朋友話已經睇咗唔只一次。電影將於·月喺英國上映，到時喺外地嘅朋友都可以去睇我第一部電影啦！」@
------------------
【不忘初衷 延續真相】
📰周末版復印 支持購買👇🏻
http://epochtimeshk.org/stores
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
