MIRROR兩大人氣成員姜濤和Anson Lo（盧瀚霆）兩人的粉絲近日疑因霸位問題發生衝突，期間更有人報稱受傷和被搶走電話。事件主角之一的姜濤周一（22日）晚上進行直播時就公開談及兩派粉絲之間的衝突問題，他表示自己和Anson Lo都因為粉絲之間的矛盾而感到不開心，希望大家能夠以將心比己的心態對待別人。

姜濤周一晚上約10時罕有地在Instagram開Live，並談及粉絲衝突事件：「我哋最近啱啱喺tour返嚟，知道喺機場粉絲因為接機，發生一啲唔好嘅衝突，亦都知道可能有人受傷，其實關於呢件事，我包括公司所有人，我哋真係想了解返成件事，發覺100個人入面有100種唔同講法，所以我覺得喺而家呢個階段，我哋冇辦法考證件事係點樣。」

姜濤再三呼籲粉絲們要注意安全：「我覺得而家比呢啲事更加緊要嘅係，想呼籲大家真係無論發生咩事都好，以安全為主，呢樣唔單止我，都係我哋所有人一個大態度。我唔知點做，我哋都唔知點做，我哋一直去呼籲，大家小心為主安全為主，你哋支持我哋係一個好值得好值得開心嘅事。喺每一次你哋見到我哋，可以喺你哋生命入邊添加一點樂趣，呢個我覺得係我哋嘅責任，所以大家一直好努力地去完成呢個責任。」

姜濤又表示粉絲衝突令他和Anson Lo都感到難過：「我同阿Lo當時都有商量過應該點樣做，結果係冇結果，我哋唔知點做，惟有繼續呼籲大家，呢個問題好難去解決到。老實講，我同Anson Lo有為呢啲事情唔開心，因為我哋之間有被呢啲嘢影響到。因為好老實地講，由《造星》到而家，我哋各自都經歷過唔同嘅嘢。我哋一開始，我相信我同佢都係，我哋所有人都係好單純嘅一班後生仔，所以當出道短短五六年，就經歷咗咁多嘢嘅時候，我哋係有互相唔理解過嘅，但我哋後尾都知道，大家緊張我哋，先至會有呢啲事情發生，所以後尾好彩地，我哋而家真係好好嘅朋友嚟。因為我哋係好好嘅朋友，所以更加覺得難過，唔知點做。」

即將踏入25歲的姜濤又表示，生日願望是大家能夠將心比己：「我想話畀大家聽，姜濤已經25歲，我嘅生日願望，希望呢個世界所有人，都可以有一個將心比己嘅心態，就夠㗎啦，我覺得呢個世界冇分啱同錯，只有唔同嘅立場、唔同嘅態度、唔同嘅觀念，當我哋嘗試企喺對方立場諗呢件事嘅時候，可能多咗一份理解，可以唔認同，再次多謝祝我生日快樂嘅所有朋友，尤其多謝支持我嘅fans。希望大家明白，希望大家可以安全地開心地，用一個將心比己嘅心態，支持你哋想支持嘅人，咁就夠啦。」

另一主角Anson Lo日前為新歌宣傳時亦談到今次事件，他表示當時仍在飛機上時已經知悉，對此感到心痛：「如果大家為咗支持我而受傷，我覺得好唔值得，如果受傷嘅話，我會好肉赤」。@

------------------

🏵️《九評》20周年
https://hk.epochtimes.com/category/專題/退黨大潮

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand