由譚旻萱（Mandy）、黃淑蔓（Feanna）和連家穎（Vian）組成的女團Me&，日前為東涌東薈城名店倉的「蝶舞．花見」活動拍攝宣傳片，為配合新年主題，她們特意改編《Eye To Eye》的舞步，加入更多手部動作營造「花」的元素，來一個花開富貴特別版於東薈城內翩翩起舞。
拍攝當日，三位女生提早到達現場練舞，她們亦趁着空檔與排舞老師到場邊反覆練習，Feanna坦言：「第一次收到要改舞步時差啲嚇襯，因為得兩日時間排，冇乜信心，好彩Vian有幫我補習。」Vian補充說：「今次隻舞嘅Concept係花開富貴，大家期待下。」
大會出動航拍機以多角度拍攝Me&跳舞的片段，成功打造充滿節日氣氛兼活力十足的《Eye To Eye》花開富貴特別版。拍攝期間，Me&穿梭於多個賀年花藝裝置中，並在過百朵色彩繽紛的年花以及蝴蝶的襯托下跳舞。當途經中式拱門，小橋和涼亭時，她們突然上演宮鬥劇橋段，非常搞笑。Feanna笑說：「場景好有古代感覺，我哋啱啱有好多小劇場，好好玩。」
三位後生女亦大談傳統習俗。Feanna提到年初一不能洗頭的習俗，坦言「但真係跟唔到，所以每年嘅年初一，我一過12點就會衝去洗頭」。她續指每年的年三十晚，一家人都會聚在一起吃團年飯，並會包餃子，他說：「屋企人會擺開心果喺入面，邊個食到粒開心果就代表今年順利。」Mandy聽後興奮地說：「我要去你屋企過年。」
Feanna自信表示：「我年年都食到，因為我媽咪會私心擺三粒。我阿爸勁Sweet，有一年佢食到，然後佢夾落我媽媽個碗度。」
Vian表示會跟家人聚在一起吃大餐，更會親自炮製蘿蔔糕，但今年卻要提早慶祝。她說：「因為新年前要剝牙，聖誕節已經Miss咗一次食大餐，都係因為剝牙。呢排係我唯一可以食嘢嘅時間，我會盡力食。」Mandy則透露會於工作中度過新年，她說：「我喺香港冇親戚，同大家工作中過新年係最好，又唔使悶，又可以賺下利是錢。」@
------------------
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
