女團Me&新歌廣告巴士將遊走全港 專程到車廠打卡

新歌剛剛派台的女團Me&，日前到九龍灣巴士車廠，與印有其新歌宣傳照的巴士廣告打卡。見到自己足足有「成架巴士咁高」的廣告時，Vian（連家穎）同Feanna（黃淑蔓）難掩興奮高呼，冷靜派的Mandy（譚旻萱）則默默打量廣告上的眾人，關心「會唔會見到鼻有嘢」，她最終指「大家都好靚」。

對於親眼看到屬於Me&的首個巴士車身廣告時，Vian表現得非常興奮，笑說比想像中巨型很多：「我本身以為係巴士車身打橫窄啲嗰個位，無諗過係由頂去到底，超巨型」。

Feanna則難掩興奮：「我頭先嘩得勁大聲，如果喺街見到自己個樣，我一定會企喺度大聲話，『嘩！呢個女仔好正，邊個嚟㗎？』然後即刻閃走」。

Mandy則較關心毛孔問題，非常搞笑。她說：「好大頭，喺度Check會唔會見到毛孔，會唔會見到鼻有嘢，但大家都好靚」。3人在Me&巴士打卡兼大跳《Eye to Eye》，並提醒各粉絲見到Me&巴士就記得打卡。

由即日起，兩架Me&巴士將遊走全港，Me&直言很期待在街上與Me&巴士相遇，Vian說：「喺街見到感覺應該會好唔同，我會瘋狂大叫。」

Feanna透露平日在街上看到Mandy的廣告時都會大叫，她說：「嘩！呢個女仔咁靚嘅，我會影相Tag返佢（Mandy）。」Mandy則說通常會默默離開，在一旁影張相就走。@

------------------

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand

女團Me&新歌廣告巴士將遊走全港專程到車廠打卡