神戲劇場十周年重頭戲、限定25場的二人劇目《極地謎情》將於9月1日假香港演藝學院歌劇院上演。兩位演員黃秋生、游學修及導演陳淑儀日前（16日）出席舞台劇綵排探班活動，秋生同阿修更即席演出一段精彩場口。

《極地謎情》全劇由秋生同阿修兩大男人舌劍唇槍對白撐起，透過由阿修釋演的騰雞小記者，以及秋生釋演的諾貝爾文學獎得主的對話，由互相猜測揣度，到針鋒相對將三段謎情逐步揭開。

平時口多多古靈精怪的阿修被問及，初次與形象好惡的秋生呢位大師合作會否驚？阿修即時反問秋生：「同新一代如我合作，你會否驚？」秋生即時接招笑稱：「我最驚細路仔扭計，我唔識湊仔！不過好彩阿修就無扭計。以前演藝學院毛老師成日話劇場好冷酷，唔係托兒所，有情緒要自己搞掂。」在旁的阿修笑指：「所以通常我喺後樓梯喊，自己搞掂！」

阿修提及，起初知道要與秋生合作「真係有D驚」，更於網上打探秋生為人好不好，但經排練相處後阿修形容秋生是小朋友：「佢本人比人感覺好惡，但佢其實係小朋友，係一個好有經驗、好犀利的小朋友！」阿修指排練舞台劇最需要的、最開心的就是台前幕後都有一種鍾意玩的小朋友氛圍。

事隔11年再演同一個劇目，由10年前的《極地情聖》變成今日的《極地謎情》，被問是否昇華版本呢？秋生指今次重新翻譯劇本，是一次全新的演繹。

另外，由秋生親自設計課程及授課的第五屆神戲大師班開班在即，阿修指會叫試當真的同事去上課，但資質參差未知秋生會否介意，秋生又爆金句：「幾差都無問題，醫者父母心，最緊要有黃金！」@

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column