第44屆香港電影金像獎上月被發現有4部原定符合資格的電影意外「被消失」，主辦方多番以「無回應」回覆傳媒相關提問。事隔近月，金像獎主席爾冬陞昨日（10日）終給出更多回應，並引用《金剛經》的經文稱「若見諸相非相，則見如來」。被「DQ」電影《不赦之罪》的演員黃秋生昨晚在Facebook發文隔空回應，並在回應網民提問「係咪以後冇機會再睇到你拍港產片？」時，回答「係」。
黃秋生昨晚在Facebook發文，稱：「若見諸相非相，即見如來。上兩句係：凡所有相，皆是虛妄。金剛經講空。本來就無，爭嚟做乜？法尚應捨，何況非法。」言論至今午已經引來逾3,800網民讚好。
有網民問「秋生哥，係咪以後冇機會再睇到你拍港產片？」，黃簡單回應「係」。另外有網民稱「佢（爾冬陞）根本答唔到。因為佢唔可以講真相。」黃回應「佢都唔知真相」。
網民不滿爾冬陞、金像獎：執咗佢啦
爾冬陞昨在出席香港電影金像獎提名名單公布儀式時，被記者問到「DQ」4部作品的事件，多番追問下稱「過去一個月，我一直諗緊點樣回應，但係我諗唔到一個令各方都滿意說法，所以我哋決定唔公開回應」，之後更補充上述《金剛經》的經文，叫傳媒自行細品。
黃並不時在上述帖文下留言，與網民討論佛經。有網民指爾冬陞曲解《金剛經》，強行迴避問題，「是對提問者的輕慢」。亦有不同網民表達對金像獎的不滿，分別稱「算吧啦！同一個冇咗自己思想嘅人對質，真係嘥氣！」、「既然咁佛，還注重各種色相？還攪嚟做乜？」、「執咗佢啦，反正一切都是虛空作假」、「建議金獎像開場要唱埋國歌，國安駐場，仲有獎座要加國旗，唔好叫香港金獎像（金像獎），要加中國香港，其實最好唔搞，即一律只可以參加金雞獎」。
黃秋生、游學修主演等電影不列入片目引質疑
就DQ事件，有意見認為同政治因素有關。
《不赦之罪》在去年6月上畫一周，票房已經破百萬元，最終票房衝破500萬元。片中多名新演員如歐鎮灝、陳書昕的表現，被認為有望角逐新演員獎項。
黃秋生就事件回覆網媒「娛壹」時，表示「唔關我事啦。鍾意點就點啦。我而家係藝術家，唔係藝人。」
《不赦之罪》導演譚善揚早前向網媒《大城誌》稱，感到「好驚訝同難過」，完全不清楚及不明白發生甚麼事及其原因，自己仍然跟進中。
至於《今天應該很高興》、《送院送中》，題材同是講述移民故事，後者早在2023年香港國際電影節放映，到去年正式公映，演員包括古天樂、游學修、袁澧林、潘燦良。@
-------------------
局勢持續演變
與您見證世界格局重塑
-------------------
🔔下載大紀元App 接收即時新聞通知：
🍎iOS：https://bit.ly/epochhkios
🤖Android：https://bit.ly/epochhkand
📰周末版實體報銷售點👇🏻
http://epochtimeshk.org/stores
