「我又再欠你一餐母親節飯了，都係啦，如果我在外面，我哋都係來個自家製海鮮餐吧！」2020年9月還押及在囚至今，快必（譚得志）已經兩個母親節無同媽媽度過了。
快必5月4日寫給媽媽的家書，5月7日就收到了。他在開篇第一句就寫道：「我估你母親節前唔會收到呢封信㗎喇！」（多謝懲教署菩薩心腸咁快審核完畢，亦都多謝郵差叔叔辛苦派遞郵件！）
「我又再欠你一餐母親節飯了，都係啦，如果我在外面，我哋都係來個自家製海鮮餐吧！象拔蚌刺身啦，阿卡鍾意食蝦，灼一斤赤米吧，我再蒸一啲帶子，最後煮個好多黃芽白同豆腐的齋烏冬，好嗎？」快必在信中同媽媽講：「欠你又多一年，又多一點歉疚。」
將近2年的時間，快必都沒能在媽媽身邊盡孝，但在獄中卻十分牽掛母親的身體。他在信中說：「4月你嚟探我的時候，你幾精靈喎。喺之前冇得探訪嘅日子，我睇啲相，覺得你老了些，但見到真人狀態也不錯，我也OK放心，正如我一直說：『要健康一點，長命一點，腦退化慢一點。』」
快必在信中承諾和叮囑母親：「我落船（出獄）之後，真的想跟你學打麻雀同上海話，所以，一定要好好保重，不要太肥或太瘦，記得郁吓手腳，唔好成日凈係坐喺度。」
五月初已經有同學替快必探望過母親，也一早替他預祝母親節快樂了，為此，快必好感激，「我呢班同學都係正直嘅人，有今生無來世，有佢哋對你好，我嘅擔心亦都少咗好多，我唔否認可能係我積落嘅因果，又或者係今世欠佢哋，下世要還嘅債。」
最後，她再三叮囑母親：「保重身體，長命啲，等我出嚟，跟你學打麻雀同上海話！」他還不忘再三叮囑母親，「端午節快到了，要記得買上海糭食喎，我舊年都係咁樣同你講。」
前人民力量副主席49歲「快必」譚得志，是《港區國安法》實施後，首個因言獲罪的政治人物，上個月，經審訊他被裁定共11項罪成，分別為1項煽惑他人明知而參與未經批准集結、7 項發表煽動文字、1項公眾地方內擾亂秩序行為、1項舉行或召集一個未經批准集結及1項拒絕遵從或故意忽略遵從授權人員作出的命令，被判監40個月。@
------------------
請訂閱新官方YouTube頻道：
https://bit.ly/2XxPrsd
✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
