巴士申加價8.1%至17.7% 市民稱離譜但無奈

多間專營巴士公司申請加價，九巴申請加價16%，城巴申請加價17.7%，新大嶼山巴士9.8%，龍運巴士8.1%。本報今（15日）午訪問多名市民，認為加幅過高，遠超通脹及一般打工仔的加薪幅度，但無奈道市民、民意在此方面沒有影響力。

市民郭先生指，申請加幅「好離譜」，記憶中近年沒有如此高的加幅，但認為「政府都唔會派咁多畀佢」。他認為，加幅只要不高過通脹，「正常幾個percent大家都接受」，但是「人工都無加十幾個percent」，認為燃油加價是短期，「無可能成世都係呢個價」，質疑巴士公司「有加無減」，「你加得上佢就無可能減落去」，但無奈道加價是否合理「都唔係我哋小市民話得事」。

他說，交通佔開支小部份，「唔係好大件事，不過你睇下對大眾市民有無交代咁解。政府如果唔監控由佢加幾多就幾多，對小市民就無咁公平」。他並認為，九巴、城巴獨大，「無競爭就係咁」，指很多巴士線路重疊，但又不重組，「下下都將成本加市民上面，你又無咁公道」。

批巴士公司「做唔掂咪唔做，大陸大把人來接手」

市民鄭先生說，巴士公司面對油價加價，可改用電動巴士避免。他認為加幅不合理，「你加人工會否加10多個percent（百分比）？打工仔、政府加人工，都只加幾個percent，如果你（政府）批真係好不合理，你點樣監管佢（巴士公司）？不如政府自己做返？」，形容是「幾間公司夾埋要脅政府」，巴士公司「做唔掂咪唔做，大陸大把人來接手」。

但是一旦加價，自己都「局住畀」，指地鐵人多。至於油價回落後應否減價？鄭嘆道「好難」。他質疑巴士公司只是以加價增大資本額，指巴士廠有閒置巴士，根本沒有那麼多司機駕駛。

質疑監察機制

退休人士劉先生稱，自己有「兩元兩折」長者優惠，加價不至於影響很大，自己「無乜所謂」，但「有所謂可以做乜嘢呢？都無嘢可以做」，指「民意就係無人聽」，政府、立法會「都無嘢做」。

劉表示，巴士公司提出加價的理由、加幅「有無人去監察呢？」質疑並無巴士加減價的制度，「你加佢又加，遲啲個個跟住加，總之除咗人工之外樣都加㗎啦」。

另外有不願透露姓名、但正享用長者優惠的市民，稱加幅「太離地」，「超越咗而家一般我哋到加薪幅度，太唔合理囉」，指一般市民的加薪幅度只有2%、3%，「就算加去到盡，都（應該）係5、6%」，並指巴士公司應改善服務「然後先諗加價」。@