天文台將於今日（5日）傍晚6時20分改發八號烈風或暴風訊號。豈料此消息一經發布，大批網民蜂擁至天文台社交平台專頁留言，狠批天文台「放工先嚟打風」將引致全港交通大混亂，並同時指出「轉頭各區上演 - 非洲動物大遷徙」等等。

因天文台選擇決定改發八號烈風或暴風訊號的時間，正是大部份上班一族的放工時間，有網民相信屆時全港交通將會出現大混亂。相關帖文吸引逾800個留言，當中有網民認為「明早6時30分前落波」；亦有網民預測「凌晨4時，所有風球除下」；有打工仔直言「放工先嚟掛，咁同唔掛有咩分別」。

有網民留言直斥「呢個時間掛八號，肯定塞車塞到七彩」及「正好趕到收工繁忙時段」；另外，有網民似乎不信任天文台「如果交稅可以揀唔交畀天文台就好」。不過，大部份網民擔心掛波時的交通情況，有網民指「咁樣收工仲迫過平時，塞幾個鐘都未返到屋企」以及「又有得睇動物大遷移」。

同時，有網民質疑天文台到底以何準則決定改發八號風球的時間，網民表示「今次真係要讚美天文台，咁精準計算出6點 「20分」呢個掛波時間」及「1820點計出嚟？點解唔係1819？」等等。＠

-------------------
局勢持續演變
與您見證世界格局重塑
-------------------

🔔下載大紀元App 接收即時新聞通知：
🍎iOS：https://bit.ly/epochhkios
🤖Android：https://bit.ly/epochhkand

📰周末版實體報銷售點👇🏻
http://epochtimeshk.org/stores