西貢遊艇出租：做40年未見過咁差

以往，作為香港的「後花園」，有山、有水、有海鮮的西貢在暑假期間都會吸引不少港人及遊客遊玩。離島遊、船河、快艇、水上活動廣受歡迎。但今年暑假，西貢人潮洶湧、大排長龍的場景不再。有從事遊艇生意的負責人指，今年生意下跌了70%。亦有Café老闆表示，未知「寒冬」會持續多久，期冀港人自救。

西貢貓記船務的貓姐表示，她感覺到西貢整體生意、人流都差了很多，「依家西貢好似死城，食街最老字號都收咗」，很多遊艇、遊船、釣墨魚活動都湊不夠人數開船。

「我哋做咗50幾年遊船，但今年真係好辛苦」，她說，由去年年底至今生意都很差，「今年一來天氣不好，一落雨即刻冇人來；電油費又貴，維修費又貴，樣樣costing都貴。」她又指，現在做事的都是自家人，請不起夥計。「本來我有三條船，我依家可能開第一條都開唔到，維唔住皮開來做咩？一路都蝕錢。」

她認為情況與開關不無關係，去其他地方玩又便宜，上大陸消費又便宜，「（60歲以上）個個北上搭車都是兩（元）」，所以留港人流自然就少，遊客也不多，又指來消費的人經常講價，「依家連鬼佬都識得講價」。

對於政府為吸引遊客推出的無人機表演，她就認為，「只係上面嘅人落來睇，香港人去睇嘅有幾多個？呢啲錢你用咗，但遊客又唔喺度消費，你話經濟學上是否成正比？」

遊樂船會：今年生意只有往年三成

入行40多年的香港遊樂船會會長馬國強說，今年是他經歷過生意最差的一年，很少人租船去玩。他坦言，今年生意只有正常往年的三成，「比起疫情或之前，真係好恐怖。」他並認為不是自己這行如此，「係直頭全個香港都係咁」。以香港遊樂船會為例，有些會員因爲生意慘談，為維持生計只能做兼職，或者轉行，做保安、搬運等。

他說，以前一個星期起碼幾天都有做外國人生意，現在就沒有了，「外國人都冇晒，唔知係咪移民回家鄉，走咗好多。」此外，他亦指通關之後，多了很多人北上，「人哋一個人返去（大陸）幾百蚊玩足一日，你遊船河可能要一個人五六百蚊，但只係玩八個鐘」。

他認為，很多人北上是因為大陸「很多地方都未玩過、未去過」，較有新鮮感。但遊船河幾十年了都是這樣玩。因此他建議政府可以推出較有特色的活動，譬如發展離島，或者島上建酒店。現今政府雖然大力舉辦煙花展演，但「一個月放一次，其實無用，好似照舊底一年兩次就好些，個個月放變無興趣」，認為新鮮感才可能吸引遊客來看。