香港劍擊代表張家朗日前於奧運男子花劍個人賽成功衛冕，不過決賽期間裁判在「決一劍」兩次判雙方無效得分卻引起爭議。張家朗事隔兩日後於社交網站發文，首次就事件作出回應，他指每位裁判的判法略有不同，但強調決賽裁判的水準專業。張家朗將於周五早上回港。
張家朗奪得個人第2面奧運金牌後，昨日（31日）於社交網站Instagram帖文，分享奪金感受：「Dream comes true again，到宜家都唔能夠相信自己係兩屆奧運冠軍，由細個開始劍擊，我嘅夢想就係成為奧運冠軍，當東京之後就希望可以創造歷史，兩次奧運冠軍，7月29日之後，我做到了。」
他又主動談及了決賽期間的爭議，強調裁判的判決並無問題：「決賽嘅最後有少少爭議，裁判係專業嘅，每個裁判係判法上面都有少少唔同，劍擊世界就係我哋因應裁判嘅判法，去調整戰術，決賽我覺得係一埸好漂亮嘅比賽，大家都盡全力去爭取勝利，好多謝大家捱夜都支持我哋，希望大家心臟冇事。」
張家朗同日又於另一社交平台Facebook發文，再次感謝港人的支持，並呼籲大家繼續關注其他香港運動員：「真的不知道用甚麼來形容今次再次可以取得奧運金牌，好多謝大家對我的支持，我會繼續努力向前行，希望大家同時也可以支持香港運動員，不論能否出席巴黎奧運的運動員，他們也付出了不少汗水和努力，才可以代表香港去爭取成績，再次多謝大家捱夜睇我比賽。」張家朗與另一香港劍擊代表何瑋桁將於周五凱旋回港。@
------------------
🗞️9.17暫別實體 立即預購
https://bit.ly/buybyepaper
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
