陳健安銅鑼灣街頭與歌迷街頭手牽手傾心事

為宣傳新歌《戀愛腦之死》，安仔陳健安日前化身MV中的獨角戀愛腦妖怪，現身銅鑼灣擺定櫈同枱準備與歌迷傾偈，引來近百歌迷輪候過個難得的一分半鐘時間與安仔一對一傾心事。

當日安仔與歌迷的對話可謂層出不窮，有人請教安仔如何減肥、要他猜謎語、對咖啡的喜好、分享旅遊趣事、喜歡打什麼電動遊戲、細數足球偶像、甚至有部份人是代朋友前來見安仔一面，甫坐下便馬上致電身在海外的朋友，利用視像通話讓對方可以跟安仔即場對談，安仔都十分享受：「今日嚟到銅鑼灣同喜歡我嘅人傾吓偈，因為平日好少機會可以一對一同歌迷或者愛我嘅人傾偈，通常都係我出活動見到，同我講拜拜、收佢哋嘅禮物，聽到佢哋講『我好鍾意你呀』，但今日落嚟銅鑼灣，就可以多少少時間傾偈，同埋今早再搵特技化妝師整番MV嘅妖怪角造型，等大家可以留念。」

問他最深刻的對話時，安仔認為重點不是內容，反而是看到對方的表情、緊張、感動，他說：「有啲歌迷好多謝我做過嘅歌，其中有部份人代朋友嚟見我，因為佢哋唔喺香港，現場我再用facetime同對方通話，甚至有人要求朋友代自己拖我隻手，今日同大家講咗好多話題，我最熱衷講『運動』同『旅行』，有歌迷問我近排鍾意咩運動，我話係手部運動，因為愛上了打手機遊戲，傾打機最開心，另外係傾旅行，因為演唱會之後未去過旅行，原本打算五月出發，但因為要宣傳新歌，希望六月可以起行。」

傾偈期間，大部份女歌迷都會主動要求跟安仔拖手對話，亦有部份男歌迷提出這個要求，但亦因為拖手事件發生了一段小插曲，當日有兩母子「族人」到場各自攞籌與安仔對話，期間，安仔拖著媽咪的手問今天是否只有母子同行，對方說：「爸爸都有呀！」嚇得安仔馬上縮手，原來爸爸正站在人群中給母子倆拍片影相留念，後來雖然知道他們一家三口都是自己的歌迷，但安仔仍留有餘悸，最終由拖手變把脈，還賣口乖讚媽咪歌迷脈象清晰、身體健康，非常搞笑。

問安仔跟歌迷拖手對談有什麼感覺？他說：「剛才有手拖手嘅行為，其實要睇佢哋覺得呢個動作係咩意義，有人覺得係心靈靜化，有人會有戀愛嘅感覺，其實咩感覺都唔重要，最緊要令到佢哋開心。」

但最意想不到的是《戀愛腦之死》的作曲、編曲及監製小彤賴映彤，也剛好路過銅鑼灣，她索性停下腳步與安仔閒話家常了一分半鐘時間，另外新晉女子組合Beanies兩位成員Winky與釗彤亦碰巧經過，二人要安仔猜她們對運動和飲食的喜好。

而海報上所寫的「沉健安」到底為何？安仔則賣關子道：「點解叫沉健安？係想大家可以睇《戀愛腦之死》MV嘅時候，睇吓我點沉，又或者大家聽完呢首歌之後，點樣沉我。」@