工聯會、勞聯等提出，希望最低工資由現時40元提升至55元。不過有立法會議員認為最低工資會削弱本港競爭力，不應該再實施，指有人為了選舉而不停借最低工資、標準工時來做話題。
立法會議員（飲食界）張宇人及港九工團聯合總會主席李國強今日（26日）出席NOW新聞台節目《時事全方位》，討論最低工資加至55元一事。
李國強表示，認識食環署外判清潔工，其時薪40元計算每月薪酬只有8,400元，加上做大廈保安先生的人工，一個月是16,800元收入，比起現時社署四人綜援家庭月入約16,900元還低，令人失去工作意欲，認為40元是不切實際。李國強表明除工會，絕大部份公務員工會都支持增至時薪55元，並能涵蓋25至30萬人。
張宇人則回應指：「喺工會嚟講嚟呢，如果我係工會代表就覺得離譜𠻹啦，應該去到300蚊個鐘，標準工時就應該一個禮拜20個鐘，大家可以做廿個鐘就搵好多錢」。張宇人認為，工資不應靠最低工資提升，應由市場調節，更指正在領取最低工資人士可以找他：「嚟我度做洗碗啦，你叫佢嚟搵我呀，佢肯做洗碗，一個人都可以搵萬八，仲可以住近佢屋企！」
李國強表示 ，最低工資是輸在起跑線，本港法定最低工資由2011年5月1日開始實施，時薪為28元，及後多年提高金額，至去年上調到時薪 40元：「13年先加咗12元，我問張先生一年都不夠加1蚊，可不可以接受呢？ 而家出去吃個飯盒，都3、40蚊，4、50蚊，最低工資我做一個鐘都買唔到飯盒食， 可唔可以對低薪工友有一個交代？」。工會又認為，最低工資委員會的組成過於傾向商界，工會代表佔比太少，導致加幅脫離實際。
張宇人更認為「最低工資是不應該有」，並反指當年未有最低工資時，只是20多元一個飯盒，認為就是最低工資推高物價，削弱本港競爭力：「你睇下我們同鄰近嘅競爭力，邊一方面可以競爭？我哋飲食業最大一項支出就係人工，而家嘅人工已經高到令我哋嘅價錢拉高。」張宇人又指，當年自己從未提出時薪20元，只是想：「咦，咁幾好呀，如果係廿蚊，無殺傷力喎，可以接受喎！」@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
