社交平台昨日（6日）流傳一段車cam影片，片中一輛的士似乎收掣不及，硬把一輛警方電單車撞低，騎警隨即倒地。其後3名男子將警車抬起，該名騎警亦慢慢坐起。惟該車cam片未有交代事發地點，本報記者就事件向警方查詢。

據車cam片顯示，事發於2月28日下午5時43分左右。一輛警方電單車疑似因應路面情況停低，尾隨的一輛的士緩緩駛至，但他未有停車，直接撞低警方的電單車，鐵騎及騎警應聲倒地。

該的士司機隨即下車，旁邊有一名途人行出馬路，兩人合力將被撞跌的鐵騎抬起，期間另一名途人亦上前協助扶正該電單車。這時有一把聲音疑似問「左手邊有無花咗？左手邊有無花咗？」影片尾段，騎警慢慢地坐起，打開頭盔。影片就此結束。

影片在社交平台上引起大批網民熱議，有網民形容該名的士司機「企圖謀殺警察」、「孤狼式瘋狂危險駕駛意圖謀殺警務人員違反國安法」及「襲警」等；有網民認為「DC9 呢鋪仲唔餵（威）返次畀啲行家睇」及「DC9 呢鋪你飽啦」；有網民反問「的士佬，點先可以成為好似你咁優秀嘅人」及「終於可以威返次啦」；但有網民則表示「第一次支持DC9，笑到mute咗」及「呢啲之唔係叫做（優質）的士囉」等等。＠

↓事發片段 （車cam L（香港群組）影片)

------------------

⏪️ 回顧2024專題報道👇🏻
https://hk.epochtimes.com/tag/回顧2024

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand