叱咤樂壇頒獎典禮日前公布「我最喜愛」5強名單，其中張敬軒（軒仔）與尹光、姜濤、陳卓賢和盧瀚霆晉身男歌手最後5強。軒仔近日積極在網上拉票，周一（27日）晚上更突發親自到旺角，與歌迷一同在街上拉票。軒仔承認過去不會太在意選舉成績，但看到自己的歌迷四出為自己拉票，甚至帶著兒女在街上拉票而遭路人冷漠對待，替他們感到心痛，因此今年要積極拉票。

軒仔周一晚於社交網站Instagram進行直播，提及自己過去16次殺入叱咜男歌手5強，但只有一次獲獎，感到慚愧和需要好好檢討。他直言自己過去對這個獎項都相當「佛系」，但因為受到歌迷的打動而有所改變：「今年實在係好感動，有一晚我碌IG見到Fans巴士港九新界巡遊，喺條街度，無論男Fans、女Fans，甚至係有Fans拖兒帶女，都喺街上幫我去拉票」。

他說，途人遇到派傳單都會比較冷漠，指自己看到粉絲幫手拉票的一幕覺得「好心悒」，覺得內疚。「我作為一個歌手，明明呢啲嘢應該係我自己去做。搞要我啲Fans拋頭露面，我係覺得好內疚，所以我覺得唔可以再坐喺屋企入面。萬一經過大家嘅努力真係送咗我上台嘅話，我覺得我會愧對大家。所以我決定要俾心機拉票，我真係冇辦法坐喺屋企坐享其成」。

軒仔又在直播中展示了歌迷為他設計的宣傳單張，當中還有菲律賓文和印尼文版本，並大讚歌迷很有心思。他又承諾在最後投票階段截止前，會不定時於全港的票站親身落區派傳單拉票，並笑言希望大家不要拒絕他。

軒仔又認真地公布自己的「政綱」：「我會全力做好自己唱片、將自己喺樂壇所積累嘅資源，包括錄音室，其實已實行贊助計劃畀冇簽大公司嘅獨立歌手，繼續支持獨立或新晉音樂人，提供國際錄音水準。呢幾年自己搞呢搞路又拍online片，因為過去兩三年生活好苦悶，冇論疫情又好，大環境改變，所以覺得開心好緊要。」

直播期間，有正在街頭拉票的歌迷問軒仔會否在直播結束後去找他們，之後更全場起哄叫軒仔「落區」，雖然軒仔說自己「唔大得」，但見到歌迷深夜仍在拉票，他在晚上11時許到旺角街頭與自歌迷一同奮鬥，直至約12時才離開。@

------------------

⏪️ 回顧2024專題報道👇🏻
https://hk.epochtimes.com/tag/回顧2024

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand