昨晚郭富城與方媛大婚之喜，在尖沙咀半島酒店擺喜酒，其經理人小美會見傳媒時表示城城及家人想低調進行，並派她做代表受訪。
城城想低調結婚
城城經理人小美（中）被城城及家人派去會見傳媒代表受訪。（宋碧龍╱大紀元）
小美透露擺喜酒只是邀請了屋企人同某些工作夥伴出席，因為城城覺得工作已經高度曝光，婚事則想低調，城城很細心預備了心意朱古力和少少紅包給大家，並多謝大家對城城的美好祝福。
婚禮簡約進行
小美透露城城選擇在半島酒店舉行婚禮，因為兩年前他們在這裏幫城城舉行了50歲生日派對，當時城城表示過如果將來遇到心儀對像，希望可以成家立室，所以今次他們就特意挑選半島酒店幫他舉行婚禮。
完婚後馬上要開工
小美表示城城完成婚禮及喜宴後，便要馬上為電影開工，因為接了兩部電影。（城城會否去度蜜月？）「未問，如果他需要，會盡量協調畀啲假期，但任放就唔可以。」（方媛是否有喜？）小美再三強調不知道，是否怕「小器」？小美說：「會唔會有呢個可能我真係唔知，我承諾如果我知，我一定會話畀大家知。」被問到有否覺得方媛胖了，她說：「冇冇，你哋覺得呢？健康囉，冇特別肥到。」（奶奶有冇叫佢哋努力造人？）「呢句媽媽有講，喺斟茶畀利是有講要幸福，努力開枝散葉。」（叫佢生幾多個？）「冇喎，希望個仔幸福，佢最錫呢個仔。」
城城終於結婚了，相信愛鍚他的粉絲會戥佢開心同送上美好的祝福，有情人終成眷屬。◇
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
