有45年歷史、位於銅鑼灣波斯富街的香河越南餐廳，昨日（28日）低調結業。
餐廳今拉上半閘，並貼出告示稱，「本店於2024年10月28日光榮結業，多謝各位多年對本店支持及愛戴。」Facebook 專頁「銅鑼灣企鵝」昨發文，稱該店已經拉下半閘，指老闆確認27日是最後一天，稱該舖無加租，不過生意一般，加上伙記身體「麻麻哋，尤其係腳痛」，因此想休息。「銅鑼灣企鵝」透露，若日後有機會另覓新址重新開業，老闆會有意繼續「香河」名稱。
自由黨灣仔區議員林偉文27日在網上發文，稱該餐廳「Last Day光榮結業」，「可惜既惋惜，又一間充滿回憶的餐廳不在了」。
香河越南餐廳2014年傳出業主加租的危機曾一度面臨結業，但是之後成功續租。
有網民慨嘆，「好多年前傳過唔做，最後都係冇事發生，反而真係發生嗰陣就完全冇人知」，另一網民回應，當時問老闆是否真的打算不做，「佢笑笑口冇答」，隨後曾經停業一輪後重開。該網民指出，該店老闆、夥計年紀不小，「就算開返應該都係搵後生搞」，但「有冇嗰啲味道真係唔敢講」，並說該店近年「真係差左（咗）啲，可能換咗師傅」。
另一稱自己「由細食到大」的網民說，該店「上次話執之前，啲野食已經唔掂」，亦有人稱「個湯底已經完全唔似越南牛肉湯」。
也有網民調侃，「相信係太好生意的關係，做到個老闆都唔想做！」、「賺夠比（畀）其他人賺」、「終於睇到由治及興的好處！有大量空舖等你租！」@
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
