梁釗峰日前舉辦活動宣傳他的新歌《致陪伴我的》，期間更親自為歌迷沖咖啡和聊天，釗峰更發現現場有一位婆婆原來是他的忠實粉絲，兩人更進行了一場感動的對話。
釗峰今次的宣傳活動原定在西貢戶外舉行，不過因天雨關係移師至荃灣如心廣場進行。雖然活動改為在室內舉行，不過台上設置了帳篷和露營枱櫈，甚有營地氣氛，亦還原了《致陪伴我的》MV場景。除了即場獻唱新歌外，釗峰亦邀請歌迷上台，坐在露營櫈上聊天、喝咖啡和合照。釗峰表示：「本身諗住喺戶外搵個好Chill嘅地方同大家唱歌，點知落大雨，同我拍MV嗰日差唔多。但又係另一種嘅特別，將露營擺上台，大家舒舒服服喺商場共聚，另類嘅開心。」
在活動舉行期間，釗峰留意到商場二樓的一位婆婆聽得非常投入，不時揮手和派心，釗峰隨即邀請對方一起合照，婆婆興奮得原地跳起。當她近距離見到釗峰時，激動得握着釗峰的手說：「《遺憾與遺憾的一切》已經好想見你，喺中環街市，但係今次係第一次見到你。由C AllStar年代已經想做你Facebook會員，但我唔識搞，你好叻仔呀！」釗峰為婆婆送上擁抱，對方更感動得眼濕濕，全場拍手歡呼。
婆婆在台上亦對釗峰露透心底話：「喺我傷心嘅日子，你精神上陪我同行，你嘅歌陪我一齊行落去。我身邊都有情緒唔好嘅朋友，我會同佢分享我認識咗釗峰。」釗峰聽畢對方的一番說話後感觸表示：「我都估唔到自己嘅歌可以陪伴到佢，莫名嘅感動，呢個陪伴係雙向。佢哋成日話我啲歌陪伴佢哋，佢哋都係陪緊我。我見住啲歌迷由着住中學校服到而家帶埋BB上台，仍然追隨緊我嘅音樂，好感恩有佢哋嘅陪伴。」
釗峰在活動上又透露，最近忙於排練將會在9月上演的舞台劇《遣憾收藏館》，期望將來能夠舉辦更多活動與歌迷交流，例如「跟峰入戲院」和「跟峰支持小店」等，希望歌迷會能夠幫忙安排。@
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
