梁釗峰（釗峰）新碟《遺憾與遺憾之間的一切》將於周四（ 25日）面世，日前在K11 Musea 的MCL戲院舉行「KKBOX搶先廳」新碟分享會。過百名入場Fans除率先擁有未公開發售的唱片連簽名外，還有釗峰與創作團隊分享趣事、近距離欣賞他現場演繹碟內全部歌曲，並與釗峰一同觀看整個企劃的「重頭戲」，由4首MV貫穿而成的微電影《遺憾與遺憾之間》。

對於今次推出新碟，釗峰透露在去年黃曆年卅晚開第一個會，剛好都是1月21日，籌備一年後，同日舉行新碟分享會，別具意義。「年卅晚開會，特別難忘。整個企劃籌備咗好耐，好開心呢一年認識美術指導張蚊、監製Jacqueline、編劇兼導演Veronica，我哋經歷咗一場展覽、四首歌MV、微電影、唱片設計、今日嘅分享會。我哋之前傾咗無數個夜晚，故事推進和延續，結果變成一個咁完整嘅連載劇場，好多謝大家！」

新碟內4首歌的MV再加入情節，製作成微電影《遺憾與遺憾之間》，特別安排在戲院播映，雖然由幾個帶著遺憾的愛情MV故事串連，但結局卻是「擁抱遺憾，珍惜當下」。釗峰觀影後亦一時感觸，睇到「眼濕濕」， 形容4首MV貫穿而成一套微電影是圓了自己一個夢，「因為做歌就做過啦，拍MV又拍過啦，諗一個故事都諗過啦，但係點樣將故事、音樂同埋所有嘢連埋一齊環環相扣，然之後整成一套微電影，即係大家都去緊同一個goal，達成一個咁大嘅宏願呢！咁所以呢件事係唔容易㗎！多謝公司畀好多愛和資源我去達成，好感恩，我好幸福。」

釗峰又透露，微電影會有加強版，加入未曝光的片段和對白，期待導演Veronica嘅剪輯，「大家拭目以待！希望呢個微電影可以去到更多地方，令大家對『遺憾』有新嘅諗法，互相陪伴。」

分享會上，釗峰以及碟內歌曲的作曲、編曲兼監製賴映彤（小彤）和蘇道哲，以及作曲人何家銘（Tomy ）分享創作小秘密 。蘇道哲透露錄《已⋯⋯（3235）》時，竟然為了其中一個字而重錄，釗峰笑說：「佢怪我太短呀！佢怪我太短呀！要我拉長嗰個字嚟唱。」全場爆笑。分享會最後，釗峰表示天氣轉冷，即興加唱《至少還有你取暖》，希望Fans溫暖地回家，而他還逐一合照，非常窩心。@

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column