寰亞音樂聯乘五間本地大學呈獻「Groove Gala - MA Music School Tour 2023」上周五（6日）正式展開，以理大作為首站。當日「唱作王子」馮允謙(Jay)、陳健安、梁釗峰、ANSONBEAN、雲浩影(Cloud)和樂隊Nowhere Boy等進行演出，陣容鼎盛，並近距離接觸學生，與過百名學生又唱又跳，玩爆校園。不過Jay在演出後就自爆早餐誤食蜜蜂，最後「成碗冇食到」，但在表演中感到學生給他很多溫暖唱得好開心。
打頭陣的是ANSONBEAN，一連跳唱三首快歌《CALL ME （Late At Night）》、《RISE》和《GET WILD（Feat. AKIKO）》，他為配合校園主題更打呔上陣，以壞學生造型示人，並笑言自己剛巧因受傷要貼膠布，導致造型更應景。
對於自己在表演中與觀眾作近乎零距離接觸，ANSONBEAN表示相當有趣，並說：「睇到佢哋個樣同表情，可以近啲同佢哋有互動，所以我幾享受」。
下一個出場的是梁釗峰，他帶來兩首抒情慢歌《愛情難以許可我們回到當初(1717)》和《已......（3235）》，隨後又與安仔合唱《再不再見》。Cloud則唱出《無以名狀的痛》以及《自發性神經反應》。兩位更不時走到台邊與學生握手，引來全場尖叫。
Nowhere Boys接着出場將現場氣氛再推高，五子獻唱《我們的移動城堡》及《票房毒藥》，更在觀眾大叫「Encore」下，再送上一曲《天外飛仙》。
重回大學母校表演的安仔就帶來《仍然是那個少年》以及《好好掛住》，剛巧兩首歌的音樂班底賴映彤與Oscar同樣畢業於香港理工大學，安仔直言別具意義，更勾起他的校園回憶。他表示：「曾經喺呢間房Casting入Danso（舞蹈學會選拔），最後冇入到，跳成點都唔特別講，總之而家專心唱歌，同埋好多歌唱比賽都喺PolyU發生。」安仔更即場清唱《未知道》和《繼繼續續》，Nowhere Boys主音Van大讚他音準強，但安仔笑言清唱很危險:「試過開高咗個Key，心諗大穫啦，但都要撐落去。」
壓軸出場的Jay則獻唱《入場人士注意》和《收到收到》，更與台下觀眾握手、派心及自拍，隨後再大合唱《遠在眼前》，將現場氣氛推至頂點。但Jay於騷後透露，原來當日早上發生了不愉快經歷：「嚟到時冇食嘢好肚餓，點解冇食嘢呢?我今朝食外賣，食到一啲好脆嘅嘢，吐出嚟原來係好大隻蜜蜂，我成碗冇食到，驚會唔舒服，之後亦冇食嘢。啱啱嚟到本來好唔開心，但因為PolyU所有學生畀咗咁多溫暖我，令我唱得好開心。」
演出尾聲，歌手們齊集舞台合唱《我們都是這樣⻑大的》，觀眾亮起手機燈形成一遍美麗燈海，最後再全場大合照為School Tour首站劃上完美句號。被熾熱氣氛感染的Cloud受訪時笑言:「今日有少少失策着咗⻑袖衫，估唔到氣氛咁熱烈，而家好熱呀，下次都係着少啲，清涼少少」。
寰亞歌手將陸續於香港浸會大學、香港中文大學、香港科技大學和香港大學與各位學生見面。@
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
