港隊在巴黎奧運已經收穫兩金兩銅，前財政司司長曾俊華今（4日）稱，為張家朗、何詩蓓再次奪得獎牌而興奮莫名，並受羽毛球混雙拍檔謝影雪同鄧俊文深深觸動，並指自己作為前劍擊運動員，對運動員受傷的處境感同身受。
曾俊華在其Facebook指，過去一個星期繼續浸沉在奧運世界，相信大家同自己一樣，為張家朗、何詩蓓再次奪得獎牌而興奮莫名，認為他們過去3年的艱苦訓練得到回報。
謝影雪、鄧俊文八強出局，比賽完結後在傳媒鏡頭前落淚，曾俊華表示他們「奪眶而出嘅眼淚，胸口壓力釋放後嘅崩潰，以至對老拍檔不離不棄嘅感謝同支持，都深深咁觸動咗我」。曾俊華補充，二人曾經狀態低沉，差點得不到奧運入場券，但他們沒有放棄，不停艱苦訓練、比賽，最終走出低谷，再踏上奧運殿堂。
曾俊華特別提到，謝影雪確診類風濕關節炎，病發時痛到未能舉手、梳頭，對她能克服痛楚，再次在羽毛球場上，快速走動、扣殺，感到「好佩服」。雖然他們未在奧運場上奪得獎牌，「但係喺佢哋身上，睇到運動員嘅堅持同奮鬥精神，兩個人真情嘅流露，比起獎牌，我覺得更加令人喜愛。」
曾俊華對受傷運動員感同身受
曾俊華又提及，在女子重劍奪金的江旻憓，其兩個膝頭都先後斷過十字靭帶，手術後要接受大量復康物理治療、訓練，才能重返賽場。他自己作為前劍擊運動員，稱對江、謝的處境感同身受，回顧年輕時曾經傷過大腿後肌，未完全康復就要恢復練習，每次要先浸熱水半小時，「浸到隻腳好似煮熟咗嘅龍蝦咁，但係的確可以幫助舒緩肌肉，然後做好多好痛苦嘅拉筋，跟住就要喺曾受傷嘅位置綁住膠布，縛好先至去練劍」。在打完後則要撕去膠布，「老老實實，真係好鬼痛，乜毛都扯甩晒」，然後又要再浸熱水、冰水鎮靜肌肉。
曾俊華續說，「痛還痛，但係喺運動場上，渾汗同比拚產生嘅安多酚，帶來嘅喜樂同亢奮，又會令你好似上癮咁，痛極都好，轉頭又會再踏上劍場」。到現在他還要定期找醫師針灸腳部。
曾俊華最後提到，作為運動員除了講天份、刻苦、堅持、訓練，還要加上一種偶遇、運氣，稱張家朗同江旻憓今次的晉級走線非常好，沒有遇到很難應付、可打斷他們節奏的對手。到決賽時，均打到14比14嘅的最後決勝一劍，「勝敗其實都係一半一半，有實力之餘，運氣都係必不可少」。@
------------------
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
