馳名的百年老字號「廖孖記」，早前被食物安全中心指兩個樣本含過量蠟樣芽孢桿菌，之後決定結業，鬧出連串風波。其第四代傳人廖晃業（Jay）今早（22日）接受商台節目訪問時終承認白腐乳並非廖孖記所造，而是購自大陸供應商。叙福樓主席兼行政總裁、稻苗飲食專業學會榮譽會長黃傑龍其後在Facebook發文強調，生意要講誠信，絕不可能「詐詐諦諦靜靜雞換咗，唔話俾人聽，繼續收人咁多錢」。
黃傑龍憶述初出茅廬，在17年前接手叙福樓的時候，叙福樓陷於經營困難，當時只是5間基本上「蝕本的屋村酒樓」，經營方式在當時看來也相當傳統，特別是包括所有點心每日由師傅新鮮現場製作，甚至所有上湯都是由師傅現場熬出來。
當時身為工程師的黃傑龍、持有工商管理碩士學位，在公司必然要面對改革。當時整個餐飲業都開始講究中央工場，OEM買現成點心、包裝上湯。當時恰好有一個自稱包裝上湯做得好、不少大集團都用的供應商，想要約見黃。
黃傑龍指，對方聲稱中央工場效果好、成本平，自己亦想一試。不過黃父得悉後「塊面黑晒」，斥：「以後唔準佢再入我哋公司門口！」
黃表示對爸爸憤怒感到愕然，並回應指：「我唔係要用，試吓啫，都要知道下個社會嘅變化。」豈料黃父更不滿，「試吓都唔準，行入嚟門口都唔準，俾人見到佢行入嚟，人哋都以為我哋用呢啲咁嘅嘢！」黃傑龍感嘆，通過這件事後感受父親的身教，保留重要的價值觀。
黃傑龍續指，談及這個故事是想帶出，如果30年前，某一個生產腐乳重要過程，已經變更了製造的方法，「咁之後的宣傳、訪問、點可以繼續講返真嘅一樣現場做？」他稱，若某些工序並不能再在香港進行，那只能夠坦誠向消費者說明。
他又謂，所有商業活動都誠信行先，既然是公開承諾了，就要一直這樣做，「絕無可能詐詐諦諦靜靜雞換咗，唔話俾人聽，繼續收人咁多錢」。@
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
