鄭秀文（Sammi）《You & Mi世界巡迴演唱會香港站2023》（Rescheduled）周日（14日）於紅館上演第3場，昨晚她邀請張敬軒擔任嘉賓。張敬軒表示，非常感恩自己初出道時獲Sammi提攜，讓他擔任表演嘉賓，兩人更合唱了《笑忘書》一曲，並細數當年情。
Sammi昨晚以開玩笑的方式介紹張敬軒出場：「我叫佢『阿仔』，但依家啲人叫佢『阿公』」，然後張敬軒從升降台出場時全場歡呼，合唱《笑忘書》後，軒仔輕吻Sammi手背。
兩人又在台上大談當年情，Sammi更透露原來張敬軒已經不是首次擔任她的演唱會嘉賓：「好多年前你做過我演唱會嘉賓。咁你嗰陣時叫做軒仔⋯⋯依家就叫做軒公，即係升咗呢，仲要係幾何級咁升添！」
軒仔說：「 我唔知呢個名係邊度嚟？起碼要去到阿公嘅年紀先啦！」Sammi揚言之前兩場嘉賓都是比較新一代的歌手，軒仔細細聲說：「其實我讀緊書嗰陣都有睇《大頭綠衣鬥殭屍》⋯⋯依家我開騷，有時啲後輩嚟到，例如噚晚嗰個後輩歌手（林家謙），佢話9歲聽我首《酷愛》！今晚輪到我，山水有相逢。」全場爆笑。
軒仔又表示，非常感激Sammi當年提攜自己：「我要好多謝Sammi，佢係我恩人。其實唔多歌手會帶我呢啲新人出埠表演，但我好開心，當年我仲係新人嘅時候，Sammi帶我去到馬來西亞做佢演唱會嘅表演嘉賓，我好多謝佢！」Sammi說：「其實一代一代咁樣帶出嚟，你依家都係大人，要帶新人出嚟！」軒仔其後再獻唱《隱形遊樂場》一曲。
昨晚Sammi特別感性，在演唱電影主題曲環節時，眼淚決堤。她唱出過去10次提名金像獎最佳女主角獎項的電影歌曲時，看見電影片段和全場觀眾大合唱，令她感觸落淚。
Sammi表示：「好多謝你哋替我高興，唔知係咪人老咗就容易感觸，頭先睇返一啲自己電影嘅歷程，嘩，原來我嘅青春、我嘅少艾、我畢生嘅努力都放咗喺工作裏面，一眨眼就已經過咗三十幾年。我今日開演唱會，見到依然有咁多人支持，一直陪伴我成長嘅你哋，我覺得好感觸和感動，令我覺得將我青春奉獻晒喺工作上面係好值得。好多謝由我蛋白質少女，嚟到今天已經係中年婦人，你哋都仲咁支持我。」然後Sammi唱《萬物有時》時淚如雨下，幾乎唱不下去，全場歌迷掌聲和歡呼聲打氣。@
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
