Cloud（雲浩影）2024年第一首派台歌《回憶半分鐘》MV遠赴日本大阪取景，亦是她第一次踏足日本，因而緊張到失眠。首次赴日的Cloud遇上當地天氣寒冷，每日鼻子都是紅紅的。她與日籍男主角由雞同鴨講到熟絡，煞科時她眼濕濕揮手道別：「離別我唔得呀，我唔得呀！因為有啲人一世只會見一次，所以我有啲感觸！」

《回憶半分鐘》MV由麥曦茵擔任導演，雖然只得匆匆兩日時間，但是拍攝行程相當緊密，為爭取日光時間拍攝，Cloud需要凌晨3時起床準備，緊張到失眠。她說：「噚晚無瞓，瞓唔著，有啲緊張。然後凌晨3點起床，4點開始化妝，呢度有日光嘅時間好短，大約下午4點幾5點日落，所以要把握時間。」

但Cloud坦言十分享受過程，更形容今次是「奇妙夢幻之旅」，「今次邀請咗麥曦茵擔任MV導演，我哋之前合作過，麥導演拍我或者其它作品，都有一種『味道』，唔識形容，總之好有佢個人風格，亦可以帶出當中故事。」另外，《回憶半分鐘》由Gordon Flanders作曲，陳詠謙填詞，Cloud表示兩位都是她非常欣賞的人，感謝大家首次合作，又指歌詞好優美，內容好「中」。

Cloud說，最初收到Demo時，已與監製蘇道哲想到一個故事：「兩個相愛嘅人，被現實因素打敗，好多年之後喺街上偶遇。正如陳詠謙嘅歌詞故事，如果當初無分開，依家會係點嘅結果呢？喺麥導演安排嘅劇情和畫面，帶我行咗整個故事一次，一對情侶由一齊到分開、分開之前嘅掙扎，分開之後嘅回憶。呢兩日對我嚟講有啲刻骨銘心，好感恩有呢個團隊。」

Cloud又提及今次大阪之旅另一位重要人物，就是MV男主角：「佢係一位日本人，最初我哋溝通要靠翻譯幫忙，後來用身體語言，因為大家有咗默契。」當男主角完成拍攝，Cloud依依不捨，感性的她眼濕濕地說：「離別我唔得呀，我唔得呀！因為有啲人一世只會見一次，所以我有啲感觸！」然後她對著男主角背影揮手道別，更說：「佢走了，我嘅男朋友走了，唔知佢會唔會嚟香港，希望佢嚟香港，我會帶佢去玩」。

她又感嘆：「真係唔捨得個MV就嚟拍完，講起都有啲傷感，我好怕啲美好事物要離開！」@

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column