觀塘駱駝漆大廈三座「光榮米線」日前接獲接獲地政總署通知，指其店舖只能用作工業及貨倉用途，「光榮米線」隨即因違契經營而被迫結業。事件引發連鎖效應，本報記者昨日（8月31日）到現場直擊，發現不少食肆並無開業，而大廈人流稀少。市民黃女士更批評，港府一邊稱要振興經濟，令一邊卻打擊食肆，「何必咁樣，大家都係為生活，點解要搞到香港咁不愉快？」
駱駝漆大廈往日人流甚多，但記者巡視發現大廈未見往常擠擁，而不少餐廳沒有營業，有營業的餐廳客人也不多。其中市民黃女士接受本報訪問時，批評政府講一套做一套，反而打擊經濟復甦：「我覺得政府一邊話要搞好香港經濟，但另一邊經濟愈搞愈倒退，搞到本身可以做生意嘅，都無晒生意，即係好似想趕我哋香港人走咁囉。人哋好哋哋做咗咁耐，無啦啦又搞啲咁嘅嘢，（政府）又話想經濟好啲，我覺得佢哋（政府）做啲嘢好反常。」
黃女士亦質疑港府是為打擊異見而選擇性執法，「佢唔鍾意睇嗰啲字，就覺得嗰間嘢要執，我見好多都係咁」，她又指，有關字眼其實一直存在，「點解依家先發生？我真係唔明。我哋講一句香港加油都唔啱，點解要咁樣啫？」，她嘆現時在香港生活好辛苦，批評政府做事一面倒，「唔會畀機會香港人」，對此感到無奈，「樣樣都話犯國安，我點知我幾時犯國安法，可能你同我訪問我都可能觸犯國安法」。
黃女士坦言自己是因今次事件才特意來駱駝漆大廈，認為地方大，感覺不錯， 「如果你冚晒呢啲舖，講真一個死城又一個死城」。她形容政府是「專門搗蛋」，「有少少經濟又搞壇咁嘅嘢，又沉返落去」。
對於政府提議搞夜市，黃女士指百貨公司大商場都是名牌，「咁貴點買」，即使延長營業時間也沒有多少人會消費，反而浪費「燈油火蠟」。
她又慨嘆，在工廈營業的食肆都是為了生存，如果這樣都不容許是比六十年代更差。當時經濟雖然也不景，但「自己整些少嘢出去賣都得，都唔會畀人拉，依家食環署又拉你，出面擺街就話你阻街」。她認為若政府不管那麼多市道反而會興旺，「樣樣管係唔會興旺」。
在觀塘區上班的羅先生則指，觀塘區多人上班，很多吃飯的地方在午餐時間都要排隊，如果連數十間樓上餐廳都不營業，會對在該區上班的人造成困擾。他又指雖然政府有其考慮，但今次做法確實是不近人情，「人哋都係小本經營，所以開在工廠（工廈）」，即使政府要執法，但在工廈營業的餐廳不是今天才存在，為何現時才來執法。
同樣在觀塘上班的陳女士則指，對政府今次執法感到突然，她指駱駝漆大廈在觀塘出名，有多些食肆就有多些人來，都很有香港特色，今次事件影響甚大，不少食肆均選擇暫時關門，對此感到無奈。陳女士坦言自己經常到駱駝漆大廈吃東西，因為距離近及價錢適宜。「我覺得對飲食業都係一個壓力，佢哋都好徬徨唔知點做」。@
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
