政府去年將2元乘車優惠，適用年齡由65歲下調至60歲，有意見指2元乘車優惠計劃為庫房帶來壓力。前運輸及房屋局局長張炳良接受報章專訪時建議可考慮「微調」，例如將收費由2元加至3元。特首李家超更表示會檢視濫用情況，並指從相關數字發現有不尋常，會嚴厲處理存心濫用制度的個案，要求相關部門加大執法力度，相關言論惹來不少市民及長者批評。本報記者在街頭訪問了長者市民對「兩元乘車優惠」的看法。
長者批評政府「小氣、蝦老人家」
綜合大家的意見，全部受訪者都認為「優惠」是長者應有福利，指他們在香港貢獻了數十年，「而家先得果兩蚊搭車你都要剝奪」。願透露姓氏的陳伯今年75歲，他表示「香港地啲人乜嘢都有意見，輪到你自己果陣嗰就知傢啦」，為何2元也要計較，他指出在大陸60歲以上已經可以免費搭車，「香港而家愈搞愈衰，都比唔上人哋中國，而家乜都跟人哋唔上」。
有長者直斥政府「小氣」，「蝦我哋啲長者」，指不少老人家沒有儲蓄，「你兩蚊都唔抵得，不如其它地方慳啲啦」；亦有伯伯表示，香港這麼多長者，這是「起碼的福利」，如果削減了「優惠」其實變相令長者減少出行，當然不可以取消。
優惠「微調」無問題
被問到如果將優惠「微調」是否可行，大部份受訪長者均表示沒有問題，「你加價冇問題，但你削減就有問題」，八旬婆婆向記者表示，「如果你取消點解當年舊年…你林鄭做特首果陣時你就唔好提出60歲攞到啦」；七旬婆婆表示「我哋減唔緊要呀，你哋（高官）啲糧又要減呀，幾廿萬一個月」。
不少長者都直言，「有幾多年命吖，（優惠）畀得你幾多年吖人生裡面」，表示有生之年也花不了多少錢，最多十年八載，「調高一蚊兩蚊都冇所謂」。但亦有長者無奈表示「加價都冇符，我哋呢啲一般小市民，政府話點就點傢啦」。
籲葉劉先辭職試搭兩蚊車
行政會議召集人葉劉淑儀及成員陳健波均表示要檢討「優惠」，陳健波更提出要限制每日使用優惠次數，以杜絕浪費資源，有長者聞言大感氣憤，「你叫葉劉搭兩蚊車，唔好用私家車接佢，佢人工都唔止啦，啲議員以為自己減福利好醒目」，亦有長者指出他們一個月薪金已經超過一個平常打工仔一年的收入，更何況是沒有收入的長者，陳伯亦言「把鬼咩，幾廿萬一個月喺到嘆冷氣，唔講吓自己對社會有咩貢獻？」著葉劉淑儀先辭掉工作，看看自己是否能做到才向政府建議。
對於陳健波的限次數出行論，有長者直言「你問吓佢一日限定食幾多碗飯得唔得吖？要為吓啲老人家著想先得傢嘛」，亦指香港是自由的，所以不可以限制別人的需要，「冇市民捱出嚟你邊可以喺寫字樓UN UN腳呀？」。
財赤非長者「2元乘車優惠」做成
大部份受訪長者非常精明，當問到有意見指2元乘車優惠計劃為庫房帶來壓力，長者指出「財赤唔係果兩蚊搭車（造成）」，更有逾八旬婆婆向我們表示「政府有好多開支傢嘛，你好多錢都掟咗落海無謂吖」；亦有長者表示，「政府又唔係冇錢，冇錢係佢哋造成，洗埋啲冤枉錢，填海倒錢落海三跑大灣區呀，財赤唔係老人家問題吖嘛」。
長者非「濫用」優惠
對於是否有濫用問題，有長者指出政府需要是「捉濫用果啲，未夠年齡用長者咭果啲」，亦有長者趁機向政府獻計，「你唔會派人查傢咩？上車捉未夠六十歲、用老人家（長者咭）嘅你咪捉佢囉」，反諷政府「得把口講」從來不做事。受訪者都指，長者享有此「優惠」並非濫用，「而家都有長者咭有八達通check過晒，你兩蚊係自己比畀出嚟傢嘛，政府只係津貼你之嘛」。
有市民直言沒有存在濫用情況，指每個人都會老，「你畀返呢啲優惠佢唔啱咩？年年都話財赤年年都話有盈餘傢啦」。@
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
