2年前離巢TVB的林峯（阿峯）昨日（18日）首度亮相Viu TV，錄影音樂節目《Chill Club》，首次以華納歌手身份出現。林峯在接受媒體訪問時表示，好滿意自己新歌的成績。而曾經支持他的樂迷亦不離不棄，繼續關注追隨，連今次的Chill Club音樂總監鄧建明（Joey）都讚他「成熟咗」，唱的「更加有味道」。

歌手出身的林峯，離巢TVB後加盟古天樂旗下公司，2年前簽約華納唱片重返樂壇，並在今年情人節推出新歌《幼稚未完》，MV上架2個月，點擊已逾百萬。

一眾長情樂迷不離不棄，繼續撐阿峯，有網民留言：「真心希望我哋嘅comments 係可以畀其他人同林峯留意到。其實有好多人一直有留意你嘅歌，同埋期待你推出更多粵語情歌。」林峯所到之處，亦有眾多樂迷、粉絲舉牌歡迎兼撐場。

首度亮相Viu TV感新鮮  疫下望做多啲音樂 

首度現身ViuTV，宣傳與鄧智偉合作的新歌《幼稚未完》，阿峯表示：「幾開心隻歌上咗幾個音樂榜，加上依家疫情打亂影視工作安排，我咪做多啲音樂方面嘅工作先囉。」

談到首次踏足ViuTV，他稱「感覺好新鮮，近幾年忙拍電影和劇集，很久沒有以歌手身分上節目。」他表示，會在節目中獻唱7首歌，包括《唱情歌的人》及《幼稚未完》。

阿峯在接受《娛壹》訪問時表示，「今次第一次以華納歌手身份，去唔同平台做歌曲宣傳，好開心好興奮，數以年計冇喺香港現場唱live，自己對新歌成績好滿意，希望再做多啲大家鍾意嘅廣東歌。」

對於近年樂壇改朝換代，阿峯表示，「最近都有留意香港樂壇，多咗好多歌手，好開心，因為歌手多咗，種類多咗，可以聽嘅廣東歌多咗。」問到想跟邊位新世代歌手合作，他說：「任何歌手都好想同佢哋合作，希望有新嘗試。」

鄧建明讚成熟咗 好似迷你音樂會 

Chill Club音樂總監鄧建明（Joey）在接受《娛壹》訪問時表示，以前同林峯曾經合作，彼此熟悉。再次在ViuTV相遇並合作，Joey對阿峯讚不絕口：「覺得同佢合作好感動好輕鬆，因為佢啲歌我哋都耳熟能詳，有啲歌仲係我幫佢錄，因為以前我同鄧智偉幫佢錄過好多嘢，我哋好似老朋友，佢又好和藹可親，唱得好好，好smooth，多謝佢送咁多隻歌畀《Chill Club》，好似迷你音樂會咁，大家記得留意收睇。」

兜兜轉轉，幾番經歷後再相遇，對於林峯的表現，Joey再度稱讚道：「佢而家感情仲濃烈過以前，佢有幾首歌都話自己唱到喊，包括新歌，即係話佢好重視歌曲嘅情感，可能真係成熟，我覺得更加有味道。」@

------------------
請訂閱新官方YouTube頻道：
https://bit.ly/2XxPrsd

✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk

------------------

🏵️《九評》20周年
https://hk.epochtimes.com/category/專題/退黨大潮

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand