一份地道的香港美食「叉燒」莫名的維繫了一頭家、一份親情、三份愛情。家在、爐在、親人在、情人亦在。三兄弟聯同三個情人同一屋簷下一起過年，錯綜複雜的感情糾葛，最終維繫一頭家的是什麼？黃子華、王苑之、鄧麗欣、張繼聰、林明禎、陳湛文三對情侶在賀歲片《飯戲攻心》中將陪伴大家一起暖著過年，笑著過年。

前度鄧麗欣做弟婦？ 子華「做得大佬，乜都頂到！」

黃子華飾演的宅男大佬陳鴻，對前度Monica（鄧麗欣飾演）餘情未了，而她再次出現在眼前時，竟是二佬現任！Monica仲決定搬嚟一齊住，朝見口晚見面，大佬可以點？唯有係：「做得大佬，乜都頂到！」

見返大佬，Monica先知，原來係「因誤會而分手」。夾在兩兄弟之間，糾纏不清，欲斷難斷。唯有一遇尷尬場面就講：「唔好激我！我會跳掣㗎！」

原來偷心二佬陳禮（張繼聰飾演）早已暗戀大佬前度，現在成功「勾義嫂」，以為同Monica搬出去住就會避免尷尬，偏偏陰差陽錯又要同一屋簷下，仲要晚晚一齊開飯，引至同大佬因爭女而唇槍舌劍：「又話兄弟，點解個物種可以爭咁遠？」

王苑之青春錯付8年 廢青三佬寧願做嚿叉燒 

廢青三佬陳熹（陳湛文飾演）廢得有道，電競高手成功出道，吊兒郎當，對女友Josephine（王菀之欣飾演）愛理不理；家族叉燒生意又唔接手，一如佢口頭禪：「大佬二佬唔肯燒叉燒，我就寧願做嚿叉燒！」

中女廚神Josephine，8年青春錯付三佬，拖拖拉拉未有結果。最近仲進駐佢哋屋企為呢頭家擔當「煮飯婆」，名符其實嘅「日頭煑完飯，夜晚仲要服侍少爺仔？」

萬人迷KOL Ah Meow（林明禎飾演）愛情至上，前度無數，少女時代已迷戀大佬陳鴻，偶然遇上終成戀人。有云：「相信嘅就係命運，唔信嘅就係緣份！」

同一屋簷下6個人的關係錯綜複雜，有親情又有愛情，食飯對維繫一頭家有幾重要？大佬常言：「如果唔一齊開飯，大家就見唔到對方，若不齊人開飯，一家人嘅感情豈能聯繫起來！」

陳詠燊望賀歲片陪伴港人 一家人暖著過年

《飯戲攻心》在賀歲檔上映，戲中一家六口熱熱鬧鬧，圍繞在同一間屋內，錯綜爆笑的關係。導演陳詠燊透露創作初衷：「一間屋，六個人，五餐飯，一齣戲。有這個想法後，故事就慢慢出現了。然而藉著這個故事，我這次最想說的是『家』。」

新年，要笑著過，更要暖著過。陳詠燊希望觀眾看完《飯戲攻心》後可一家人暖著過年：「如果家人可以選擇的話，你會重新選過嗎？如果你們之間曾經愛恨交纏過，你還會希望跟他繼續成為一家人嗎？其實，家人的定義從來就只有一個，就是在團年飯的那一天，你仍然最想與他圍著同一張飯桌，一起笑著過，暖著過！」

《飯戲攻心》是導演陳詠燊繼2018年《逆流大叔》後又一力作。戲中主角搭檔，黃子華與鄧麗欣及林明禎的感情糾葛；張繼聰與大佬黃子華之間明槍暗箭地爭奪女友；王苑之任勞任怨，做一個跟得女友，出得廳堂，入得廚房，對吊兒郎當的電競男廢青不離不棄，都令人期待他們在戲中的表現。@

------------------
請訂閱新官方YouTube頻道：
https://bit.ly/2XxPrsd

✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk

------------------

🏵️《九評》20周年
https://hk.epochtimes.com/category/專題/退黨大潮

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand