各位觀眾，大家好，今天是 5月 8號，星期六，歡迎收睇紀元頭條。我係雪兒。

習近平近日係廣西視察「長征」紀念館，對內部喊話要「不惜血戰」擺脫困境。隨後，河南就出現中共官員拎住大刀長槍亂舞，模擬「長征」學黨史嘅荒唐事件。前中央黨校教授蔡霞諷刺話「雖然荒誕但係傳神」。

習近平4月25號係廣西參訪湘江戰役紀念園時，重提被國軍圍剿重創嘅所謂「紅軍長征」同「湘江血戰」等不光彩逃竄（寸）史。佢仲話：「困難再大，諗下紅軍長征，諗下湘江血戰。」

5月6號，蔡霞係 Twitter 上貼出大陸微信群流傳嘅一段影片。畫面顯示，當日，中共河南省南陽市旅遊局官員，係局長鄭文明嘅帶領下，開展體驗當年「紅25軍長征」嘅活動。

呢些官員都著上紅軍服裝，手持大刀、長矛，模擬紅軍係長征途中，遭遇國軍圍剿嘅戰爭場面。影片中，呢群肥頭大耳嘅中共官員笨拙咁搬弄大刀、長槍，仲係地上點起營火，煙火陣陣，營造出戰爭氛圍。

蔡霞係 Twitter 嘲諷話，「中共嗜好演戲作假拿謊言呃人。咁樣學黨史，雖然荒誕但係傳神。」

有網友話：「呢個純粹為左迎合習近平嘅惡俗癖好。依家中共官場上咁樣噁心嘅人不在少數。果段歷史到底係乜嘢回事，早晚會水落石出的。」

仲有網友直言：「都怪蔣委員長當年剿共不力，留低禍害，令中國人至今仲係度遭受中共嘅蹂躪同欺壓，當年我若果係剿匪嘅國軍官兵，絕唔會俾一個共匪逃脫！」

目前，習近平亦遭到黎自國內外嘅嚴峻圍剿之勢。係國內，民怨沸騰，黨內反習勢力蠢蠢欲動，要趕佢落台；係國外，國際社會正清晰咁認識到中共政權係反普世價值嘅，「反共」正成為國際社會嘅共識。

習近平廣西之行時，黨媒登出一張習近平頭髮白左唔少，表情凝重嘅照片，呢個或許係習近平呢個時侯焦頭爛額嘅真實寫照。

習近平廣西之行，心情過於凝重係預示某D不祥之兆，抑或只係一種巧合，近期，廣西嘅壞消息不斷。習近平啱啱離開廣西，當地就發生男子闖入幼稚園，斬殺兒童嘅慘案，造成多名幼童死傷；近日，廣西一間修理廠又發生大爆炸，蘑菇雲直竄雲霄。

6號，廣西百色田陽區那坡鎮修理廠發生大爆炸。現場錄像顯示：爆炸產生嘅蘑菇雲騰空而起，直竄雲霄。當地居民話，爆炸巨響傳到10公里外。

大陸極目新聞話，附近居民屋企嘅監控錄像顯示，一聲爆炸聲之後，攝像頭隨住衝擊波晃動，附近居民屋企嘅防盜網同窗戶震落，大量樹葉被震落，唔少車輛被爆毀。

那坡鎮上一間商戶話，震動非常大，附近兩棟樓嘅玻璃窗都被震跌來四塊。爆炸可能就距離佢嘅店面一兩公里遠。雖然附近有採石場，平時亦放炮，但動靜從來無咁大。

爆炸發生第二日，那坡鎮政府一名值班工作人員話，轄區內發生左爆炸事故，但「無網傳嘅7人死亡一說」。爆炸係修路用嘅熱膨脹裂石劑引發，事件導致1人死亡3人輕傷。

係美中關係方面，美國等國係啱啱結束嘅G7峰會上，出現首次公開批評中共，指出中共不單止「犯有侵犯人權嘅罪行」，仲「利用經濟影響力欺凌其他國家」；G7表示共同努力，阻止中共嘅「脅迫性經濟政策」。

另一方面，拜登政府亦將延續特朗普時期針對涉及中共軍事企業嘅限制，繼續維持對華強硬姿態。

《彭博》引述多位知情人士話，拜登為獲得國會嘅廣泛支持，很可能對中國（中共）採取強硬立場。拜登團隊官員正就特朗普對「涉及中國軍事企業」嘅投資禁令進行初步討論。其中涉及中國3大電信公司，但目前尚未做出決定。

美國共和黨聯邦參議員盧比奧（Marco Rubio）係一封電郵聲明指出，唔應該俾美元流向親中共軍隊嘅實體，「拜登政府應該拒絕華爾街試圖削弱特朗普時代制裁嘅任何努力，並同國會合作將呢D懲罰立法執行。」

報導話，隨住貿易、人權、南海等問題情勢升溫，拜登試圖保持美國同北京嘅緊張關係。消息傳出後，中國一 D 大型企業嘅美國存托憑證（ADR）嚇跌，阿里巴巴ADR一度下跌1.7%、百度ADR下滑2.8%、騰訊ADR下跌1.2%。

上個禮拜，中共發射嘅長征5B火箭失控，21噸嘅鐵塊究竟將砸向邊度？會引發點樣嘅事態？引發國際擔憂，目前，美日韓德軍方開始討論中共失控嘅火箭墜落問題，而作為當事方嘅中共就躲閃迴避。

5月7號，美國同韓國軍方討論左點樣應對中共火箭殘骸墜入地球嘅問題，日本同德國嘅軍方亦派人參加。

美國太空司令部表示，預計一大塊碎片會係美國時間嘅8號，不受控制咁返回大氣層，依家美軍正係度全程追蹤該火箭殘骸。

韓國傳媒報導，韓國空軍表示同美國聯盟太空作戰中心（CSpOC）進行左視像會議，討論點樣應對墜落嘅長征5B火箭殘骸，德、日軍方人員亦參加左會議。經過推測，朝鮮半島不在該運載火箭殘骸嘅墜落地點範圍內。

韓國空軍表示，失控嘅殘骸重22.5噸，預計將於韓國時間8號到 9號進入大氣層。

朝鮮航天行動中心崔星煥（音）中校表示，韓國軍方正同美國聯合太空作戰中心、韓國天文研究院共享監測信息，保持高度警惕。

面對國際指責同關注，中共外交部係 6日，含糊其辭同推諉（委）之後，7號，終於做出比較正面嘅回應。外交部發言人汪文斌話，火箭嘅絕大部分器件將係再入過程中燒蝕銷毀，「對航空活動及地面造成危害嘅概率極低。」

雖然自稱無危險，但係中共外交部仲話，「相關主管部門將及時對外通報情況。」而中共航天局至今未向外界確認，長征5B火箭到底係受控抑或將會失控墜落。

6號，美國國防部長奧斯汀（Lloyd Austin）暗示，美軍有能力擊碎呢枚火箭殘骸，但係依家唔打算咁樣做。

奧斯汀表示希望火箭能降落係海洋中，並且此事應引起民眾對中共係太空運行方式失敗嘅關注，佢話：「對於我地從事太空領域工作嘅人黎講，應該要求以安全同周到嘅方式工作，並確保我地將呢D事情考慮在內。」

隨住 5月13號世界法輪大法日嘅鄰近。6號，加拿大安大略省15位政要、美國麻州、賓夕凡尼亞州等各級政要發黎賀信，祝賀世界法輪大法日。

加拿大安大略省米爾頓市同沃爾郡市宣布，5月13號為「法輪大法日」。

沃爾郡市長克萊門特係褒獎中話：「法輪大法以真、善、忍為準則，係有益身心嘅上乘修煉功法，修煉者展現嘅大善大忍，令世界各族人民深深感動。」

安省倫敦市長埃德霍爾德感謝法輪功學員疫情中嘅付出。賀信話：「通過打坐煉功統提升道德，幫助民眾改善精神、心理同身體狀態，促進社區和睦同健康。讓我地同舟共濟，共度難關。」

特庫姆塞市長麥克納馬拉就寫：「真善忍係法輪大法嘅價值基礎，當我地面臨疫情帶來嘅挑戰時，呢 D 價值觀會係我地嘅日常生活中發揮重要作用。」

佛州勞德代爾堡市宣布，5月13號為「感恩法輪大法日」。

美國麻薩諸塞州參眾兩院，美國賓夕凡尼亞州州長、費城市長亦發黎賀信。@

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column