各位觀眾，大家好，今天是 5月 7號，星期五，歡迎收睇紀元頭條。我係雪兒。

中共長征5B火箭發射升空後第二節火箭失控，目前仲難以預測呢個重約21噸嘅物體會墜落係邊度，引發國際擔憂。

國哈佛-史密森天體物理中心（Harvard-Smithsonian Center for Astrophysics）嘅天文學家麥克道爾（Jonathan McDowell）表示，火箭墜落路徑包括紐約、馬德里、北京、智利南部同新西蘭威靈頓等地。不過，速率等只要有一DD 小變化都會令到墜落位置出現好大差異。墜落時間可能係 5月10號左右。

台灣國立自然科學博物館助理研究員、天文物理學家王斌威批評中共當局未做好風險管控。他對自由亞洲電台表示：「太空科技進步國家紛紛評論，中國是不是有點草率？發射時應做好風險管控，現在掉落下來的碎片不確定掉在那裡，會對生命財產造成風險，掉到建築物、車輛等可能就要出事的。」

具有諷刺意味嘅係，5月1日，中共政法委官方微博曾經將長征5B火箭點火發射嘅圖片同印度點火焚燒染疫者屍體嘅圖片貼埋一齊，對印度慘烈嘅疫情幸災樂禍，引發輿論大反彈，被網友批評係冷血，無人性嘅變態心理。今次該火箭完全失控，有網民話，「報應不爽」。

目前，印度變種毒株已擴散到周邊多國，導致南亞地區疫情迅速升溫。同印度毗鄰嘅尼泊爾近日單日確診病例激增，醫院擠滿左染疫病患，醫療物資出現短缺。由於疫情惡化迅猛，尼泊爾嘅大街上亦出現左焚燒屍體嘅慘況。

根據尼泊爾衛生部門嘅數據，5月4號，該國嘅新增確診病例係 7千6百60例，死亡55例，雙雙再創單日新高。確診人數連續3 日突破7千例。

香港《南華早報》5月5日係Twitter 上發布一段錄像顯示，大量屍體被當街火化。

尼泊爾流行病及疾病控制部門表示，已經係境內檢測到英國變種同印度嘅雙突變病毒株。

據外媒報導，自印度爆發第二波疫情後，成千上萬係印度打工嘅尼泊爾工人返鄉。雖然該國政府下令對入境人員進行檢測、隔離，但仲係有好多人偷偷翻番去自己嘅村莊。

報導話，係所有做中共病毒檢測嘅人中，有近4 成嘅人被確診感染。目前，尼泊爾國內已經出現醫院病床、氧氣等醫療物資短缺嘅狀況。

有係尼泊爾同印度接壤城市工作嘅醫生透露，當地疫情嘅發展越黎越令人恐懼，醫院裡面擠滿左需要呼吸機同重症治療嘅染疫病患，唔少患者瞓係地板同走廊上。

尼泊爾西部班克縣嘅醫生潘迪（Rajan Pandey）直言，尼泊爾正係度變成一個「迷你印度，局勢已經失去控制，我地正處於無助嘅境地。」

尼泊爾總理奧利（KP Sharma Oli）已經下令，自6 號到 14 號，將禁止所有國際航班入境，國內航班亦全數暫停。

目前，尼泊爾正係度同俄羅斯進行談判，以尋求提供疫苗。

近日，世衛正係度評估係咪批准兩款中共國產疫苗嘅緊急授權，一款係國藥集團北京生物疫苗，另一款係科興疫苗，預計本週公布結果。

目前，發布嘅證據評估報告對60歲以上，以及有合併症人群嘅保護效力同安全性存疑。

據自由亞洲報導，5月3號，世衛免疫接種戰略專家組（SAGE）發布對中國疫苗嘅證據評估報告話，針對60歲以上人群，中國提供嘅臨床試驗數據明顯不足。報告最後評估係，對60歲以上人群，國藥疫苗保護效力同安全性分別係「低度可信」同「中度可信」；科興疫苗則係「可信度非常低」同「低可信度」。

美國智庫外交關係委員會(Council on Foreign Relation)全球衛生問題高級研究員黃嚴忠向亞洲電台表示，三期實驗必須要去國外做，需要獲得充分數據。

佢話：「實際上，關於三期實驗缺乏足夠的數據，我個人不知道為什麼只做了少部分（老人參與）的實驗，這是很異常的。」

曾經係醫學研究中心工作嘅時政評論人士橫河認為，中共唔係無數據，而係對數據無把握，「因為一拎出黎，可能就推廣唔到。」佢分析話，可能係一期二期實驗對老年人效果唔好，三期就少選一D 老年人。

橫河提醒話，對於中國人自己都唔敢打嘅中國疫苗，世衛同外國要警惕「病急亂投醫」，世衛嘅呢份評估報告不足以俾中國疫苗大開綠燈。

為期三日嘅七國集團（G7）峰會係倫敦結束，5月5號發表公報，共同譴責中國（中共）同俄羅斯嘅威脅、欺凌同侵權行為，公開支持台灣參加世界衛生組織（WHO）嘅論壇同世界衛生大會，並表達對台海局勢嘅關切。

英國外交大臣藍韜文（Dominic Raab）話：「我認為，（中國）更有可能需要照照鏡，明白佢需要考慮到越來越多嘅（反對）意見，諗諗（自己）必須遵守呢D基本嘅國際規則，而唔係做出憤怒嘅反應。」

七國發布嘅公報話，「我地強調台海海峽嘅和平同穩定嘅重要性，並鼓勵和平解決兩岸問題，」「我地強烈反對任何可能升級緊張局勢、破壞區域穩定同破壞基於規則嘅國際秩序嘅單邊行動，並對有關該地區軍事化、脅迫同恐嚇局勢表示嚴重關切。」

公報指責北京正係度侵蝕香港嘅選舉制度裡面嘅民主，並敦促中共當局尊重香港嘅「高度自治以及權利同自由」。

《政治客》（Politico）歐洲網站報導話，公報內容標誌住歐盟同其一D最重要嘅成員，包括德國同法國，首次係台灣海峽局勢上同美國保持一致。

雖然公報對中國部分言辭犀利，但係有一D橄欖枝。公報強調同北京係氣候變化同全球健康方面繼續合作嘅重要性。

近日，微軟創辦人比爾盖茨（Bill Gates）同妻子梅琳達（Melinda Gates）宣布離婚。有外媒暗指盖茨出軌中國女翻譯王喆（節）。對此，王喆出面回應說：此地無瓜，早點休息。

據霍士商業新聞4號報導，王喆嘅名「Zhe “Shelly" Wang」最近不明原因咁突然引起公眾關注，而且係搜尋引擎裏面，同比爾盖茨名字緊密相關。

有人猜測認為，王喆同盖茨夫婦中嘅1個人嘅關係唔太尋常，不似一般嘅工作關係，仲有 Twitter 用戶暗示，呢個人可能就係比爾盖茨。

報導介紹王喆嘅背景，話佢嘅語言能力強大，擔任口譯員工作將近9年時間，仲係盖茨基金會做翻譯工作。

根據王喆係 LinkedIn上介紹，她仲擁有西班牙語、法語、德語同日語嘅認證，並且話自己嘅廣東話、普通話同英語有母語水準。王喆同時仲會鋼琴教學同中國舞蹈編舞。

對於外界嘅緋聞，王喆5號係微博發文話，「本來覺得空穴來風會不攻自破，無諗到越傳越瘋狂，好好嘅五一假期，可以讀幾多本書呢，何必將時間浪費係毫無依據嘅謠言上」王喆並否認一切婚外情傳言。@
 

------------------

🏵️《九評》20周年👉🏻 https://hk.epochtimes.com/category/專題/退黨大潮

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand